Ótken aptada 1900 qylmys tirkelgen

NUR-SULTAN. QazAqparat – Ótken aptada elimiz boıynsha 1900 qylmys tirkelip, onyń 1173-i ashylǵan. Bul týraly QR Іshki ister mınıstrliginiń ókili Shuǵyla Turlybek aıtty, dep habarlaıdy QazAqparat tilshisi.

«Bir apta ishinde 1972 qylmys jasaldy, onyń 1173 táýlik ishinde ashyldy. Polıtsııa qyzmetkerleri «izin sýytpaı» 6 kisi óltirýdi, 3 ólimge ákep soqqan densaýlyqqa qasaqana aýyr zııan keltirýdi, 1 qaraqshylyq, 35 tonaý jáne 511 bóten múlikti urlaý qylmystaryn ashty», - dedi ol vedomstvonyń aqparat alańynda ótken onlaın brıfıngide.

Vedomstvonyń málimeti boıynsha, elde bolatyn kólik apatynyń besten birinde kámeletke tolmaǵan balalar zardap shegedi.

Osyǵan baılanysty ishki ister organdary 25 sáýirden bastap jazǵy demalysqa daıyndyq retinde «Nazar salyńyz, balalar» respýblıkalyq aktsııasyn bastap otyr. Shara barysynda bilim berý mekemeleriniń mańaıyndaǵy kósheler men joldardaǵy jol qozǵalysyn uıymdastyrýǵa arnalǵan quraldardyń jumysy zerdelenbek.

QR ІІM Ákimshilik polıtsııa komıteti basqarmasy basshysynyń orynbasary Jasulan Jumanalınniń málimeti boıynsha, bıyl elimizde balalardyń qatysýymen 400-den astam jol-kólik oqıǵasy tirkelgen.