Otyrarda Esjan Aınabekovti eske alýǵa arnalǵan jyr músháırasy ótti

<p>Túrkistan oblysy Otyrar aýdanynda jalyndy jýrnalıst, jazýshy, aqyn Esjan Aınabekovti eske alýǵa arnalǵan &laquo;Otyrardyń otty perzenti&raquo; atty jyr músháırasy ótti, dep habarlaıdy <a href="https://kaz.inform.kz/news/euro-2024-kazakstan-kuramasinin-karsilastari-kalay-oynagani-belgl-boldi-d76685/Kazinform" target="_blank" rel="noopener">Kazinform</a>.</p>

Aqynnyń týǵanyna 60 jyl tolýyna oraı uıymdastyrylǵan keshtiń shymyldyǵyn Májilis depýtaty Qazybek Isa, Qazaqstan Jazýshylar odaǵy Túrkistan oblystyq fılıalynyń tóraǵasy Aıdar Seıdazym, aýdan ákiminiń orynbasary Aıdos Qulmahanuly alǵy sózben ashyp, uıymdastyrýshylarǵa alǵysyn bildirdi.

Aqyn Qazybek Isa Esjan Aınabekovpen dostyǵy týraly keńinen áńgimelep, onyń erekshe daryn ıesi bolǵandyǵy jáne jeltoqsan oqıǵasyna qatysqan qaharmandyǵy týraly aıtyp, óz estelikterin bólisti.

Aýdandyq mádenıet saraıynda ótken kesh barysynda Esjan Aınabekovtiń «Eskertkish» áńgimesiniń jelisi boıynsha sahnalyq qoıylym kórsetildi. Sonymen qatar aýdan ónerpazy Nursultan Jaqsylyq aqynnyń sózine jazylǵan Erkebaı Kósherbaevtyń «Kúlimkózdiń júzigi» ánin oryndasa, aýyl jastary aqyn óleńderin jatqa oqydy. Esjan Aınabekovtiń týystary men dostary onyń jarqyn beınesi men biregeı bolmysy, azamattyǵy týraly estelik aıtty.

Jyr músháırasyna qazylyq etken qalamgerlerdiń sheshimi boıynsha óz týyndylaryn usynǵan talapkerler júldeli oryndarmen marapattaldy. Atap aıtsaq, Baqdáýlet Anarbaı bas júlde ıegeri atandy. Al Raýshan Muratova birinshi oryn, Nurǵalı Serdalıev pen Baýyrjan Erman ekinshi oryn, Erbol Sadybaı men Asqarbek Saparbaı jáne Gaýhar Júsipálıeva úshinshi oryn ıelendi.

Ózge de qatysýshylarǵa «Qazaq úni» gazetiniń arnaıy júldesi men yntalandyrý syılyqtary tabystaldy. Osylaısha Esjan Aınabekovti eske alýǵa arnalǵan kesh óz máresine jetti.