Ótip bara jatqan 2011 jyl táýelsiz jáne gúldengen Qazaqstandy qurý jolyndaǵy jańa qadam boldy - Qazaqstan halqy Assambleıasy
Bul týraly Qazaqstan halqy Assambleıasynyń kele jatqan Jańa jylmen quttyqtaýynda aıtylǵan.
QazAqparat qazaqstandyqtarǵa joldanǵan quttyqtaýdyń mátinin taratady.
Qurmetti otandastar!
Qymbatty qazaqstandyqtar!
Qazaqstan halqy Assambleıasy barlyq qazaqstandyqtardy kele jatqan Jańa 2012 jylmen shyn júrekten quttyqtaıdy.
Ótip bara jatqan 2011 jyl táýelsiz jáne gúldengen Qazaqstandy qurý jolyndaǵy jańa qadam boldy jáne biz dástúr boıynsha barlyǵymyz birge eń jarqyn oqıǵalardy eske alamyz.
Bul - tarıhı oqıǵa - tarıhymyzdaǵy jańa kezeńge, qasıetti qazaq jerinde bizdiń birligimizdiń, ıgiligimizdiń negizi bolǵan Táýelsizdigimizdiń 20 jyldyǵy.
Bul - el Prezıdenti Nursultan Ábishuly Nazarbaevtyń kezekten tys saılaýdaǵy aıqyn jeńisi, Qazaqstan halqy kezekti ret senim mandatyn qýattap, búkilhalyqtyq qoldaýǵa ıe bolǵan Ult kóshbasshysymen óziniń bolashaǵyn baılanystyrdy.
Bul - Qazaqstan halqynyń birligi merekesiniń jańa formaty, ol dostyq pen patrıotızmniń jarqyn kórinisi bola otyryp, árbir qazaqstandyq úshin erekshe qymbat.
Bizdiń ortaq kúsh-jigerimizdiń arqasynda basty qundylyqtar - ortaq Otanymyz - Qazaqstan Respýblıkasynyń árbir adam taǵdyrymen ortaqtyǵyn, birtutas ulttyq rýhtyń tóńiregine birigý men toptasýdyń qýatty resýrsyna aınaldy.
Qazaqstan halqy Assambleıasy keleshekke senimmen qaraıdy, jalpy josparlarynyń kókjıekterin eleýli keńeıte túsýde. Onyń barlyq basymdyqtary Táýelsizdikti, memlekettilikti, ulttyq birlikti, jaýapkershilikti, ulysaralyq toleranttyq pen qoǵamdyq kelisimdi nyǵaıtýmen baılanysty.
Jańa jyl eń súıikti merekelerdiń biri. Bur erekshe saltanat, bul úmitter men armandar merekesi. Kele jatqan Jyl jańa tamasha ııadeıalardy tartý etip, barlyǵymyzdyń da olardy júzege asyrýymyzǵa medet bersin.
Jańa jylda kim-kimniń de isi alǵa bassyn. Óıtkeni naq solardan bizdiń ortaq ómirimiz quralady. El taǵdyry, birtutas Qazaqstan halqynyń taǵdyry quralady.
Jańa jyl qarsańynda ózimizdiń jaqyndarymyzǵa, týystarymyzǵa jáne dostarymyzǵa tilegendeı - densaýlyq, tynyshtyq jáne ıgilik bolsyn degen eń izgi tilekterimizdi bildiremiz!
Ár qazaqstandyq otbasynda tynyshtyq pen baqýat ómir bolsyn! Jańa jylda baqytqa, tabystarǵa jáne sáttilikke kenele berińizder!
Qazaqstan halqy Assambleıasy