Óte janashyr ári meıirimdi bala – mektep dırektory avtobýs jolaýshylaryn qutqarǵan oqýshy týraly

<p>Almaty oblysynda jol apatynyń aldyn alǵan segizinshi synyp oqýshysy Aqjol Geroıdy búgin mektepte naǵyz qaharman retinde qarsy aldy. Arnaıy alǵysyn bildirýge Іle aýdanynyń ákimi Baǵdat Qarasaev keldi, dep habarlaıdy <a href="https://kaz.inform.kz/" target="_blank" rel="noopener">Kazinform.</a>&nbsp;</p>

Aqjol Geroı Ótegen batyr aýylynda ornalasqan №24 mektep-lıtseıniń 8-shi synyp oqýshysy. 22 qarashada ol qaryndasy ekeýi mektepten avtobýspen úıge qaıtyp kele jatqan. Sol kezde olar otyrǵan qoǵamdyq kólik júrgizýshisiniń júregi ustap qalǵan.

Іshindegi jolaýshylar shoshyp ketti, al balanyń qaryndasy odan júrgizýshige kómektesip, kólikti toqtatýdy surady. Aqjol esh oılanbastan, júrgizýshi ornyna júgirip baryp, tejegishty basyp, apattyń aldyn aldy.

«Bala Ótegen batyr aýylyndaǵy Qarasý shaǵyn aýdanynda turady. Ol kópbalaly otbasynan shyqqan, jeti balanyń úlkeni. Jaqsy oqıdy, janashyr, meıirimdi, tártipti, belsendi», - deıdi №24 lıtseı dırektory Zahıda Tórehodjaeva.

Іle aýdanynyń ákimi Baǵdat Qarasaev balanyń qolynan alyp, iltıpat bildirip, oǵan noýtbýk, tátti salynǵan sebet, al ata-anasyna uldaryn jaqsy tárbıelegeni úshin alǵys hat tabys etti.

Buǵan deıin Almaty oblysynda 8 synyp oqýshysy avtobýsty toqtatyp, jolaýshylardy qutqaryp qalǵany týraly jazǵan edik.