Óte álsiregen: 72 jastaǵy jetisýlyq ájeı úsh kúnnen keıin tabyldy

TALDYQORǴAN. QazAqparat – Jetisý oblysynda joǵalyp ketken 72 jastaǵy zeınetker eski áskerı polıgon mańynan tabyldy, dep habarlaıdy QazAqparat tilshisi.

Panfılov aýdanynda joǵalyp ketken Orynbúbi Muhanova tabyldy. 13 mamyrda úıinen shyǵyp ketken zeınetkerdi izdeý sharalary úsh kúnnen astam ýaqytqa sozyldy. Álsiregen qart óziniń týǵan Lesnovka aýylynan 15-20 shaqyrym jerdegi eski áskerı polıgonnyń janynan tabyldy.

Polıtseıler áıeldi izdeý jumystaryna týystarynan bólek, volonterler, shekarashylar men jergilikti halyqty (barlyǵy 100-ge jýyq adam) tartty.

Іzdestirý tobynyń biri qalyń toǵaı arasynan ájeıdiń oramalyn taýyp, izdeý baǵytyn anyqtaı aldy.

«Jalǵyz ózi júrgen áıeldi jergilikti shopandar baıqap, onyń izine túsip kele jatqan izdeýshilerge habarlaǵan. Tamaq pen sýsyz ol óte álsirep qalǵan. Medıtsınalyq kómek kórsetilgennen keıin týystary ájeıdi úıine alyp ketti», - delingen Jetisý oblystyq Polıtsııa departamenti baspasóz qyzmetiniń habarlamasynda.

Keıýanany izdeýge 100 jýyq erikti jumyldyrylǵanyn buǵan deıin jazǵan bolatynbyz.