Otbasynyń berekesin alatyndarǵa qozǵalǵan 20 myń is «tatýlasý» sebebimen toqtatylǵan

ASTANA. QazAqparat – Іshki ister vıtse-mınıstri Igor Lepehanyń málimetinshe, 2022 jyly otbasynyń berekesin alatyndardyń ústinen qozǵalǵan 20 myń is «tatýlasý» sebebimen toqtatylǵan, dep habarlaıdy QazAqparat tilshisi.

«Zábir kórgenderden aryz túsken jaǵdaıda ákimshilik hattama toltyramyz. Onyń teń jartysy sot aldyna barǵanda tatýlasý sebebimen nemese zardap sheýgishiniń aınýyna baılanysty toqtatylady. Bul zardap shegýshini úgitteý men kúsh kórsetýshi tarapynan qysym kórsetý saldarynan bolady. Mysaly, byltyr sotqa turmystyq daý-damaı boıynsha 47 myń ákimshilik is joldanǵan. Onyń 20 myńy taraptardyń tatýlasýy sebebimen toqtatyldy», - dedi Igor Lepeha Májilistegi talqylaýda.

Osy olqylyqtyń ornyn toltyrý úshin endi turmystyq zombylyq jasaýshy men zardap shegýshi sot aldynda bir ret qana tatýlasa alatyn norma engizilgeli otyr.

«Bul otbasynda jábirlenýshige kórsetiletin psıhologııalyq qysymdy joıýǵa múmkindik týǵyzady», - dedi vıtse-mınıstr.