Otbasynyń berekesin alatyn tırandardy jazalaýǵa týystary kedergi - ІІM

ASTANA. QazAqparat – Іshki ister vıtse-mınıstri Igor Lepeha úıbuzaqylardy jazalaýǵa týystarynyń qorqynyshy kedergi ekenin aıtty, dep habarlaıdy QazAqparat tilshisi.

«Uryp-soǵý» jáne «Densaýlyqqa jeńil zııan keltirý» qylmystyq zańnama tártibimen qýdalana bastasa da, sany azaımaı tur. 2015-2016 jyldary túsken 100 myńnan astam habarlama boıynsha kinálilerge eshqandaı jaza qoldanylmaǵan. Zańnama ózgergenimen úıbuzaqylardan zardap shegetinderdiń máselesi sheshilgen joq», - dedi Igor Lepeha Májilistiń turmystyq zorlyq-zombylyqqa arnalǵan jıynynda.

Onyń sózinshe, turmystyq zorlyq-zombylyqtan zardap shegýshiler úıdegi daýdy syrtqa shyǵarmaýdy jón kóredi.

Óıtkeni úıbuzaqynyń qarjysyna táýeldi.

«Іshki ister mınıstrligi turmystyq zorlyq-zombylyq týraly árbir belgi boıynsha den qoıatyndaı sharalar qabyldap jatyr. Olardyń 60% boıynsha polıtsııa jábirlenýshilerdiń aryzyn qaıtyp alýyna baılanysty shara qoldana almady. Al qoldanystaǵy zańnama boıynsha, ótinish bolmasa, polıtsııa qyzmetkeri «úı tırandaryn» jaýapqa tarta almaıdy. Jazasyz ekenin kórgen zorlyq kórsetýshi «maǵan bárine ruqsat» degen túsinikke boı aldyrady. Onyń sońy odan da aýyr zardaptarǵa ákeledi», - deıdi vıtse-mınıstr.