Otbasyndaǵy zorlyq-zombylyq qurbandaryn anyqtaýdyń algorıtmi ázirlendi
«Іshki ister mınıstrligi polıtsııaǵa habarlasýǵa múmkindigi bolmaı otbasylyq zorlyq-zombylyqtyń qurbany bolyp júrgen jandardy anyqtaýdyń arnaıy algorıtmin ázirledi. ıAǵnı zorlyq-zombylyq qurbany qupııa sózder arqyly bolǵan jaǵdaı týraly habar jetkize alady. 102-ge habarlasyp operatorǵa jasyryn sózderdi aıtady, operator óz kezeginde shuǵyl shara qabyldap, turǵynnyń qaıdan habarlasyp turǵanyn anyqtap, oqıǵa ornyna tártip saqshylaryn jiberedi», - dedi Nur-Sultan qalasy polıtsııa departamenti jergilikti polıtsııa qyzmeti basqarmasynyń basshysy Arman Aıtmaǵambetov brıfıngte.
Zorlyq-zombylyq qurbandary polıtsııaǵa habarlasqanda aıtatyn qupııa sózdi ýchaskelik ınspektorlardan bile alady.
«Qandaı qupııa sóz ekenin biz kópshilikke ashyq túrde aıta almaımyz. Keıde polıtsııaǵa tikeleı habarlasyp aıta almaǵan jandar psıholog, dárigerler nemese 103 kanaly arqyly óz jaǵdaıy týraly jetkizip jatady. Taıaýda ǵana bir áıel qupııa sóz arqyly polıtsııaǵa habarlasty. Jedel jasaq barǵan kezde áıeldiń 7 balasy bar bolyp shyqty. Anyqtalǵandaı áıel otbasynda zorlyq-zombylyqtyń birneshe jyl boıy qurbany bolyp kelgen. Aıypty 5 táýlik qamaýǵa alynyp, is qaralyp jatyr», - deıdi elordanyń polıtsııa departamenti áıelderdi zorlyq-zombylyqtan qorǵaý bóliminiń aǵa ınspektory Gúlmıra Shyrahmetova.