Otbasyndaǵy janjaldyń 80% ishimdikpen baılanysty - depýtat

ASTANA. QazAqparat – Elimizde bolatyn turmystyq zorlyq-zombylyqtyń 80 paıyzy ishimdik ishýdiń saldarynan týyndap jatady. Atalǵan derekti QR Parlamenti Májilisiniń depýtaty Dınara Zákıeva keltirdi, dep habarlaıdy «QazAqparat»HAA tilshisi.

«Jaqynda biz otbasylyq-turmystyq zorlyq-zombylyqtyń aldyn alý jaıyn talqylap, atalǵan máseleni eki baǵytta qarastyrdyq. Birinshi baǵyt - otbasylyq saıasatty iske asyrý. ıAǵnı ómirde túrli qıyn jaǵdaıǵa tap bolǵan otbasylarǵa kómek kórsetý boıynsha birtutas júıe qurý. Biz másele týyndatatyn sebeptermen jumys isteýimiz kerek. Turmystyq zorlyq-zombylyq sebepteriniń biri – oń sheshimin tappaǵan áleýmettik problemalar. Onyń ishinde balalarǵa da qatysty. Balalarǵa qatysty qylmystardyń 70% jaqyn adamdary tarapynan, ıaǵnı úıde jasalady», - dedi Dınara Zákıeva Astanada ótken otbasylyq zorlyq-zombylyq máselelerine arnalǵan quqyqtyq forým barysynda.

Onyń aıtýynsha, otbasyndaǵy janjaldyń 80% alkogol tutyný saldarynan týyndaıdy.

«Bul máseleni sheshý keshendi tásildi jáne eń aldymen, otbasymen jumysty talap etedi», - deıdi ol.

Buǵan deıin habarlaǵanymyzdaı Іshki ister mınıstrligi otbasylyq zorlyq-zombylyqpen kúreske tık-tokerler men blogerlerdi tartý ıdeıasyn usyndy.