Otbasyn qoldaýdaǵy áleýmettik qyzmetterdi damytý úshin zańnamalyq reformalar qajet

ASTANA. 22 qazan. QazAqparat - Qazaqstandaǵy úkimettik emes uıymdar otbasyn qoldaý boıynsha áleýmettik qyzmetti damytý úshin zańnamany reformalaýdy usynady. Bundaı pikirdi búgin Májilistiń Áleýmettik-mádenı damý komıtetiniń keńeıtilgen otyrysynda «Otbasy akademııasy» Otbasyn qoldaý ortalyǵy» qoǵamdyq qorynyń dırektory Sholpan Baıbolova bildirdi. Eske salaıyq, komıtettiń otyrysy depýtat Darıǵa Nazarbaevanyń jetekshiligimen ótken bolatyn.

«Bizdiń ıdeıamyzdaǵy basty maqsat - ata-anasynyń qaraýynsyz qalǵan balalardy basqa otbasylardyń tárbıelik qamqorlyǵyna ornalastyrý. ıAǵnı, ınternattyq mekemelerdi aınalyp ótip, otbasydan otbasyǵa ótkizý. Sosyn mundaı patronattyq otbasylarǵa bilikti kómekterimizdi aıamaýymyz kerek. Bul mańyzdy, óıtkeni, ınternattyq mekemelerdegi bala tárbıesi onyń damý aıasyna keri áserin tıgizetin faktiler de kezdesip jatyr. Al taǵdyryǵy qıyn balalar jaıly otbasylardyń ortasyna, ondaı balalardyń tárbıesine mashyqtanǵan ári jumys isteı alatyn otbasylyq ortaǵa tússe, onda álgi balalardyń beıimdelý kezeńi de barynsha jaqsy júredi», - deıdi Sh.Baıbolova.

Osyǵan oraı, qor basshysy bala quqyǵyn qorǵaý jónindegi organdarmen birlese jáne úkimettik emes uıymdardy qatystyra otyryp arnaıy saraptamalyq jumys tobyn qurýdy usynady. «Bul saraptamalyq top otbasyn qoldaý jáne otbasy qundylyqtaryn qorǵaý boıynsha áleýmettik qyzmetterdi damytýǵa baǵyttalǵan usynymdar ázirleýmen aınalyssa. Keıinnen osy usynystar negizinde qoldanystaǵy zańnamalarǵa ózgerister engizýge de bolatyn edi», - deıdi Sh. Baıbolova.