Otbasymnyń jartysy úıindi astynda qaldy – tanymal túrik akteri kómek surady

ASTANA. QazAqparat – Tanymal túrik akteri Ýgýr Aslan týyp-ósken jeri Hataı qalasyndaǵy aýyr jaǵdaıdy aıtyp, kómek surady, dep habarlaıdy QazAqparat.

Kesheden beri Túrkııanyń ońtústik-shyǵysyndaǵy birneshe qala joıqyn zilzaladan qırap jatyr. Kórshiles, Sırııa, Lıvan elderine de jerasty dúmpýleri jetken.

«Otbasymnyń jartysyna jýyǵy Hataıda úıindi astynda qaldy. Qalǵandarynyń aıtýynsha, eshkim kómek bermeı jatyr. Nege?», - dep jazdy akter Twitter jelisinde.

Akterdiń aıtýynsha, Hataıdaǵy qulamaǵan úılerdiń ózi adam turýǵa jaramaıdy.

«Telefonmen sóılesip otyrmyn, ózim Hataıǵa sársenbi kúni baramyn. Úlken kómekke muqtajbyz. Ásirese, kún óte sýyq, jyly kıim kerek, tamaq kerek. Úısiz qalǵandardyń baratyn jeri joq, ol jaǵy áli uıymdastyrylmaǵan. 15 mln adamǵa kesiri kelgen myna jaǵdaıda qalǵan 65 mln túrkııalyq osynda kelip kómektesýi kerek dep oılaımyn», - deıdi akter.

Aıta keteıik, búgin Qazaqstandyq qutqarýshylar mingen ushaq Túrkııanyń Gazıantep qalasyna qondy.

Sońǵy málimet boıynsha, Túrkııada zilzala qurbandarynyń sany 3,5 myńǵa jýyqtady.

Foto: aa.com.tr, instagram.com/uguraslanofficial