Otbasylyq zorlyq-zombylyqpen kúreste barlyq múddeli taraptar kúsh biriktiredi - Aıda Balaeva
«Dóńgelek ústel otyrysyna qatysqandardyń barlyǵy talqylanyp jatqan zań jobasy aıasynda, sondaı-aq osy baǵyttaǵy jalpy qadamdardy jetildirý boıynsha birlese jumys isteýge daıyn ekendikterin bildirip otyrǵandyǵy qýantady. Barshasy júıeli jumys pen kúsh-jigerdi biriktirýdiń mańyzdylyǵyna erekshe toqtaldy. Osy turǵyda azamattyq qoǵam men barlyq memlekettik organdar bar», - dedi mınıstr onlaın rejımde ótken talqylaýda.
Vedomstvo basshysy Aqparat jáne qoǵamdyq damý mınıstrligi problemany tyńǵylyqty talqylaý úshin barlyq úkimettik emes uıymdarmen (ÚEU) yntymaqtastyqta jumys isteıtinginin jetkizdi.
«Salynǵan qarjynyń áleýmettik oń áseri mańyzdy, ıaǵnı, naqty kómek bolýy tıis. Memlekettik áleýmettik tapsyrys bekerden qalyptastyrylmaıdy, memleket tıisti máselelerdi sheshý maqsatynda osy qarjyny ÚEU-lar qyzmetine baǵyttaıdy. Bul baǵytta sheshimin jasaıtyn máseleler bar, sáıkesinshe, osy taqyrypqa oralamyz», - dedi mınıstr.
A. Balaevanyń atap ótýinshe, turmystyq zorlyq-zombylyqqa qarsy kúres sharalaryna qoǵamnyń qatysýy mańyzdy bolyp otyr. Zorlyq-zombylyqtyń aldyn alý sharalarymen júıeli aınalysý kerek.
«Osy tektes talqylaý alańdary bolady. Biz belsendi dıalogqa daıynbyz», - dedi mınıstr.
Budan buryn habarlanǵandaı, Aqparat jáne qoǵamdyq damý mınıstri Aıda Balaeva osy máselede tek quqyqtyq sharalar jetkiliksiz ekenin, ıaǵnı, júıeli qoǵamdyq jumys kerektigin atap ótti.
Búgingi onlaın rejımdegi talqylaýda QR ІІM Ákimshilik polıtsııa komıtetiniń tóraǵasy Murat Baımuqashev karantın kezinde otbasylyq-turmystyq qatynastarda quqyqqa qaıshy áreketter úshin 7,5 myńnan astam adam ákimshilik jaýapkershilikke tartylǵanyn aıtty.