Otbasylyq daýys berý dástúri joıylmaı otyr – Nurlan Ábdirov

ASTANA. QazAqparat – Elimizde saılaý barysynda otbasylyq daýys berý dástúri joıylmaı otyr. Bul týraly Ortalyq saılaý komıssııasynyń tóraǵasy Nurlan Ábdirov aıtty, dep habarlaıdy QazAparat tilshisi.

«Ókinishke oraı, osy ýaqytqa deıin otbasylyq daýys berý dástúri, ıaǵnı, otbasy músheleri men basqa da jaqyndary úshin daýys berý dástúri áli de joıylǵan joq. Ortalyq saılaý komıssııasynyń aýmaqtyq nemese okrýgtik saılaý komıssııalarynyń atyna resmı túrde kelip túsken barlyq ótinishter zańda belgilengen tártippen qaralatyn bolady. Jáne olardaǵy málimetter rastalǵan jaǵdaıda tıisti is-sharalar qabyldanady», - dedi ol brıfıng barysynda.

Buǵan deıin Májilis pen máslıhattar depýtattaryn saılaý barysynda saılaý zańyn buzǵan 17 ýchaskelik komıssııa múshesine aıyppul salynǵanyn habarlaǵan edik.

Jalpy, daýys berý kúni 34 adamnyń tarapynan quqyqbuzýshylyq tirkelgen.