«Otbasy» banktegi depozıtterge 10% ótemaqy tólene me

NUR-SULTAN.QazAqparat - Ulttyq banktiń resmı saıtynda teńgedegi salymdardy qorǵaý baǵdarlamasyna qatysty salymshylardyń saýaldaryna jaýap jarııalandy, dep habarlaıdy QazAqparat tilshisi.

Qandaı salymdar boıynsha ótemaqy alýǵa bolady?

Ulttyq banktiń saıtyndaǵy jaýapqa súıensek, teńgelik salymdardy qorǵaý baǵdarlamasy keń taralǵan salymdardyń bárine qoldanylady.

Olar:

- jınaq salymdary;

- Qazaqstannyń depozıtterge kepildik berý qorynyń jiktemesindegi merzimdi, sondaı-aq merzimsiz salymdar;

- «Otbasy» banktegi salymdar, memlekettik bilim berý jınaqtaý júıesi aıasyndaǵy salymdar.

Aqsha qashan tólene bastaıdy?

«Birjolǵy syıaqy 2023 jyldyń 23 aqpanynan keıin esepteledi. Al tólem júrgizý kezeńi týraly tıisti normatıvtik-quqyqtyq akti jarııalanǵannan keıin ǵana belgili bolady. Úkimet pen Ulttyq banktiń birlesken málimdemesi boıynsha, 10% ótemaqy bıýdjet qarajatynan tólenedi», - delingen bank málimetinde.

Ulttyq bank ótemaqyny alý sharttaryna qatysty aıtyp ótti.

«Bul boıynsha qorytyndy sharttar, onyń ishinde baǵdarlama ótinim berý sıpatynda bola ma nemese ótemaqy barlyq salymshyǵa ádepki qalpy boıynsha eseptele me, ol týraly NQA jobasy bekitilgennen keıin ǵana belgili bolady. Ol úshin resmı resýrstarda jarııalanatyn jańalyqtardy baqylap otyrýǵa keńes beremiz. Qazirgi ýaqytta ótinishter qabyldanbaıdy», - dep jazlǵanUlttyq bank jaýabynda.