Otbasy bank jalǵa beriletin turǵyn úıge sýbsıdııa alýdyń retin túsindirdi
«Biz baǵdarlama bastalǵanda 17 myń qazaqstandyqqa jalǵa beriletin turǵyn úı sýbsıdııasyn alýǵa shaqyrtý habarlamasyn jiberdik. Onyń ishinde 1662 azamattan ótinim kelip tústi. Sonyń ishinde 259 azamattyń ótinishi qanaǵattandyryldy. ıAǵnı olar baǵdarlamaǵa qatysyp, sýbsıdııa ala alady. Bul baǵdarlama úshin tsıfrlyq platforma ázirlendi, atalǵan júıe turǵyn úıge muqtaj azamatty avtomatty túrde anyqtaıdy. Oǵan bank qyzmetkerleri áser ete almaıdy. Azamattardyń jeke derekteri memlekettik organdardyń bazasynan tikeleı alynady», - dedi «Otbasy bank» AQ basqarma tóraǵasy Lázzat Ibragımova Ortalyq kommýnıkatsııalar qyzmeti alańynda ótken baspasóz máslıhatynda.
Onyń aıtýynsha, 105 qazaqstandyq ótinim berip, keıin qaıta bas tartqan. Sonymen qatar tehnıkalyq sebepterge baılanysty 947 ótinim qabyldanbady.
«Dál qazir 128 ótinim tekserýden ótip jatyr. Sol sııaqty sýbsıdııa baǵdarlamasynyń talabyna sáıkes kelmeıtin 61 azamattyń ótinimi keri qaıtaryldy. Keıbir ótinimder qabyldanbaı keri qaıtarylyp jatyr. Onyń sebebi ótinim berýshi uıaly telefonyn kórsetý qajet. Uıaly telefon nómiri memlekettik jeke derekter bazasyndaǵy nómirmen sáıkes kelýi kerek. ıAǵnı ekijaqta eki túrli nómer bolsa ótinim qabyldanbaıdy», - deıdi ol.
Erteń 23 myń qazaqstandyq jalǵa beriletin turǵyn úıge sýbsıdııa alýǵa shaqyrtý alady .
Aıta keteıik, búginde 601 myń qazaqstandyq turǵyn úı kezeginde tur .
Onyń ishinde 215 myńy kópbalaly otbasy, 1 jáne 2 toptaǵy múgedek, jetim balalar jáne múgedek balasy bar otbasylar.