«Otbasy bank» kezeginde turǵandarǵa arnalyp 9,8 myń turǵyn úı salynyp jatyr
Bul jaıynda Indýstrııa jáne ınfraqurylymdyq damý mınıstriniń orynbasary Erkebulan Daýylbaev Senattyń turǵyn úı qurylysyn damytý máselesine arnalǵan Úkimet saǵatynda aıtty.
«Bıyl bizdiń aldymyzda barlyq qarjylandyrý kózderi esebinen 15,1 mln sharshy metr jańa turǵyn úı nemese 137,7 myń turǵyn úı salý mindeti tur.
Júrgizilip jatqan turǵyn úı saıasaty sheńberinde 7 myńnan astam azamat satyp alý múmkindiginsiz jalǵa beriletin turǵyn úımen qamtamasyz etiledi.
Sonymen qatar, óńirlerde kezekte turǵandar úshin «Otbasy bank» arqyly satylatyn 9,8 myń kredıttik turǵyn úı salynyp jatyr», - dedi vıtse-mınıstr.
Onyń aıtýyna qaraǵanda, 6,1 myń kezekte turǵan azamatty 2%-dyq mólsherleme boıynsha, 7,8 myń kezekte turǵan adamdy 5% mólsherleme boıynsha ıpotekamen qamtý kózdelgen.