Otbasy bank basshysy baspana qashan arzandaıtynyn aıtty

ASTANA. QazAqparat – «Otbasy bank» AQ basqarma tóraǵasy Lázzat Ibragımova elimizdegi baspana naryǵyndaǵy jaǵdaıǵa pikir bildirdi, dep habarlaıdy QazAqparat tilshisi.

Onyń pikirinshe, qazir baspana naryǵy birshama turalap qaldy. Bul turǵyda turǵyn úı saýdasyna qatysty kelisimsharttar sany 2020 jylǵy deńgeıge deıin tómendegen.

«Meniń oıymsha, 8-9 aıdan keıin úı satyp alýǵa, ıaǵnı baspana satyp alatyndarǵa óte jaqsy kezeń bolady. Óıtkeni qurylys kompanııalary da, qaıtalama turǵyn úı naryǵynda da jeńildikter usynylady», - dedi Lázzat Ibragımova Májiliste tilshiler suraǵyna jaýap bere otyryp.

Onyń aıtýynsha, shamamen bir nemese bir jarym jyldan keıin suranys burynǵy qalpyna keledi. Bul halyqtyń tabıǵı ósimimen baılanysty bolady. Jyl saıyn 450 myńnan astam bala dúnıege keledi, sonymen qatar jańadan nekeler qıylady.