Otbasyndaǵy zorlyq-zombylyqty tek zańnamany ózgertýmen sheshýge bolmaıdy – Senat tóraǵasy

<p>Senat tóraǵasy Máýlen Áshimbaev elimizde otbasyndaǵy zorlyq-zombylyqqa jol bermeý máselesine qatysty pikir aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.</a>&nbsp;</p>

«Keıingi jyldary osyndaı qylmystarǵa jol bermeý baǵytynda zańnamany ózgertkenbiz. Qylmystyq kodekstiń de baptaryn ózgertip, mundaı áreketterge jaýapkershilikti kúsheıttik. Otbasylarda osyndaı jaǵdaılardyń aldyn alý úshin birneshe máselege kóńil bólý kerek. Zańnamany ary qaraı kúsheıtý kerek bolsa, biz oǵan daıynbyz. Biraq bul máseleni tek zańnamany ózgertýmen sheshýge bolmaıdy. Atap aıtqanda, jastardyń, azamattardyń arasyndaǵy mádenıet deńgeıin de kóterý kerek. Elimizde osy baǵytta úlken jumystardy atqarý kerek dep oılaımyn», - dedi M.Áshimbaev Senatta tilshiler suraǵyna jaýap bere otyryp.

Onyń aıtýynsha, bul baǵytta tıisti memlekettik organdar jumys atqaryp jatyr. Degenmen osy is-qımyldar jetkiliksiz bolýy múmkin.

«Jalpy, túsindirý, aǵartý jumystary kerek ekeni anyq. Mektepterde, ýnıversıtetterde tárbıe jumystaryn kúsheıtý kerek. Sebebi kóp másele tárbıege baılanysty. Ózara syılastyq, qurmetteý, qyzdarǵa qol kótermeýdi bala kezinen túsindirgen jón. Sondyqtan bul problemada tárbıe jumystaryndaǵy kemshilikterdi kórip turmyz desek, artyq bolmaıdy», - dedi Senat tóraǵasy.

Budan buryn habarlanǵandaı, bıyl 9 qarashada eks-mınıstr Qýandyq Bıshimbaev óz áıelin uryp óltirgeni málim boldy.