Otbasyn qoldaý ortalyqtarynyń sany 200-ge deıin artady
«Óńirlerde otbasylarǵa keshendi kómek kórsetý úshin 68 Otbasyn qoldaý ortalyǵy jumys isteıdi. Ortalyqtar psıhologııalyq, áleýmettik jáne quqyqtyq kómek kórsetedi, túrli kýrstar men semınarlar ótkizedi. Ortalyqtardyń fýnktsııalary kózdelgen Áıelder quqyqtary men balalardyń qaýipsizdigin qamtamasyz etý máseleleri jónindegi zań qabyldandy. Zańdy iske asyrý aıasynda ortalyqtardyń qyzmetin júzege asyrý qaǵıdalary ázirlendi», - dep atap ótedi Úkimet basshysy jaýabynda.
Onyń atap ótýinshe, ortalyqtardyń qyzmeti memlekettik otbasy saıasaty is-sharalaryn iske asyrýǵa, otbasylyq janjaldardy sheshýge, ómirde qıyn jaǵdaıǵa tap bolǵan adamdardy (otbasylardy) qoldaýmen qamtý jónindegi jumysty úılestirýge, adamdardy (otbasylardy) erte anyqtaý jáne qoldaýdy uıymdastyrý jónindegi mobıldik toptardyń jumysyn uıymdastyrýǵa baǵyttalǵan.
«Ortalyqtar halyqty áleýmettik qorǵaý jáne jumyspen qamtý máseleleri jónindegi jergilikti atqarýshy organdardyń janynan qurylady. 2025-2027 jyldary ishinde ortalyqtar sany 200-ge deıin artady. Sonymen qatar ortalyqtar áıelderge Mansaptyq ortalyqtar, Áıelder kásipkerligin damytý ortalyqtary arqyly kásiptik daǵdylardy oqytý jáne kásipkerlikti damytý turǵysynan qoldaý kórsetedi», - dedi Oljas Bektenov.