Otbasylyq-turmystyq zorlyq-zombylyqtan bas tartý kúsheıip keledi - Erlan Qarın

<p>Búgin búkil álemde áıelderge qatysty zorlyq-zombylyqty joıý úshin halyqaralyq kúres kúni atap ótiledi. Qazaqstanda áıelder men balalarǵa qarsy zorlyq-zombylyqqa qarsy kúreske zor mán beriledi. Bul týraly Memlekettik keńesshi Erlan Qarın óziniń Telegram-arnasynda habarlady, dep habarlaıdy <a href="Kazinform." target="_blank" rel="noopener">Kazinform. </a></p>

— Prezıdent qyrkúıek aıyndaǵy Joldaýynda «Biz otbasylyq-turmystyq zorlyq-zombylyqtyń kóptegen jaǵdaıyna kóz juma qaraýǵa bolmaıtynyn» taǵy da atap ótti. Qazir Májilis depýtattarynyń toby otbasylyq-turmystyq zorlyq-zombylyqqa qarsy is-qımyl tetikterin jetildirýge baǵyttalǵan zańnamalyq túzetýlerdi bastamashyl tártippen ázirleýde. Keıingi rezonanstyq qylmystar otbasyndaǵy zorlyq-zombylyqtyń aldyn alý jáne joıý jumystaryn odan ári kúsheıtý qajettiligin bildiredi. 

Bul rette qabyldanyp jatqan ınstıtýtsıonaldyq jáne zańnamalyq sharalar qylmysqa jáne kez kelgen túrdegi zorlyq-zombylyqqa tózbeýshilik mádenıetin qalyptastyrmaı tıisti nátıje bermeıtinin túsiný mańyzdy.

Azamattardyń sońǵy oqıǵalarǵa reaktsııasy bizdiń qoǵamda otbasylyq jáne turmystyq zorlyq-zombylyqtan bas tartý kúsheıip kele jatqanyn kórsetedi. Osylaısha, qoǵamdaǵy ózgerister memleket qabyldaıtyn sharalarmen qatar áıelder men balalardyń qorǵalýyn qamtamasyz etýdiń mańyzdy faktoryna aınalyp otyr, — dep atap ótti Eran Qarın.