Oqý-aǵartý mınıstrligi: otbasylardan bala tartyp alý týraly aqparat - jalǵan

<p>ASTANA. KAZINFORM &ndash; Otbasylardan balalardy tartyp alýǵa qatysty barlyq aqparat shyndyqqa sáıkes kelmeıdi, dep málim dedi QR Oqý-aǵartý mınıstrliginiń <a href="https://www.instagram.com/explore/tags/%D2%9B%D1%80%D0%BE%D2%9B%D1%83%D0%B0%D2%93%D0%B0%D1%80%D1%82%D1%83%D0%BC%D0%B8%D0%BD%D0%B8%D1%81%D1%82%D1%80%D1%96/" target="_blank" rel="noopener">baspasóz</a> qyzmeti.</p>

Baspasóz qyzmetiniń málimetterine qaraǵanda, sońǵy ýaqytta áleýmettik jelilerde bilim berý, balalardyń quqyqtaryn qorǵaý jáne áıelder quqyqtary men balalardyń qaýipsizdigin qamtamasyz etý máseleleri boıynsha ázirlengen eki zań jobasynda otbasylardan balalardy memlekettik organdardyń tartyp alyp qoıýyna múmkindik beretin normalar bar degen jańsaq aqparat taratylýda.

«Otbasylardan balalardy tartyp alýǵa qatysty barlyq aqparat shyndyqqa sáıkes kelmeıdi»,-delingen mınıstrlik taratqan habarlamada.

Sondaı-aq ondaǵy málimetterge qaraǵanda, qaralyp otyrǵan jáne Májilistegi basqa da zań jobalarynda balalardy otbasylardan tartyp alynýyna qatysty birde-bir norma joq.

Memlekettik saıasat: balanyń týǵan otbasynda tárbıelený quqyǵyn qamtamasyz etýge jáne balalardy tárbıeleý men qaýipsizdigin saqtaý máselelerinde eń aldymen ata-analarǵa basymdyq berýge baǵyttalǵan.

Memleket únemi ómirlik qıyn jaǵdaıǵa tap bolǵan otbasylardy qoldaýǵa arnalǵan tıimdi sharalar qabyldap keledi. Kámeletke tolmaǵandardyń isteri jónindegi komıssııalar, qurylǵan psıhologııalyq jáne otbasyn qoldaý ortalyqtarynyń jumysy sheńberinde osyndaı otbasylarǵa turaqty túrde kómekter kórsetilýde.

Balalardyń quqyqtaryn qorǵaý komıtetiniń mindeti - ár balanyń barynsha týǵan otbasynda ómir súrý jáne tárbıelený quqyǵyn júzege asyrý bolyp tabylady.

Esterińizge sala keteıik, balanyń ómirine nemese densaýlyǵyna tikeleı qaýip tóngen kezde onyń quqyqtaryn qorǵaý qoldanystaǵy zańnamaǵa sáıkes jáne naqty qaýip týyndaǵan kezde ǵana júzege asyrylady.

«Búgingi tańda QR «Neke (erli-zaıyptylyq) jáne otbasy týraly» Kodeksiniń 82-babynyń sheńberinde ýákiletti organdar (qorǵanshylyq jáne qamqorshylyq organdary) balanyń ómirine nemese densaýlyǵyna tikeleı qater tóngen kezde balany balalar uıymyna, ıaǵnı balalardy qoldaý ortalyǵyna ýaqytsha jiberý týraly sharalar qoldanýǵa quqyly. Qurmetti ata-analar! Sizderden aqparatty tek rastalǵan, resmı kózderden alýdy suraımyz»,-delingen mınıstrlik taratqan aqparatta.