«Otbasy bankti» ekinshi deńgeıdegi bankter júıesinde qaldyrǵan durys – Lázzat Ibragımova

<p>&laquo;Otbasy bank&raquo; tóraǵasy Lázzat Ibragımova turǵyn úı jınaq bankin ekinshi deńgeıli júıeden shyǵarý sharasy nege kesheýildep jatqanyn túsindirdi, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

«2021-2022 jyldary «Otbasy bank» ekinshi deńgeıdegi bankter júıesinen shyǵarylyp, baspana naryǵyn damytý ınstıtýtyna aınalatyny aıtylǵan bolatyn. Ol ıdeıadan aınyp qaldyńyzdar ma?», - dep surady BAQ ókili Májilistegi otyrystan keıin.

Bank tóraǵasy ol joba qazir Májilistiń qaraýynda ekenin aıtady.

«Bul zań jobasy (Qazaqstan Respýblıkasynyń keıbir zańnamalyq aktilerine turǵyn úı saıasatyn ózgertý baǵytynda ózgertýler men túzetýler engizý týraly» - red.) qazir Májiliste jatyr. Biraq qazir onyń aktıv kólemi jáne jeke kapıtalynyń kólemi boıynsha eldegi tórtinshi bankke aınalǵanyn eskersek, sheshimdi jan-jaqty tarazylap baryp qabyldaımyz. Bank Qarjy naryǵyn retteý jáne damytý agenttiginiń quzyrynda qalsyn, degendi jaqtaýshylar bar. Bul banktiń qyzmetin kóbirek baqylaýǵa múmkindik beredi. Ondaı baqylaý kerek te. Ekinshi taraptan bank halyqtyń áleýmettik az qamtylǵan sanatyna kóbirek baǵdar ustasa degen usynys bar. Ondaı jaǵdaıda bıýdjetten kóbirek aqsha bólinip, qyzmetinde erkindik paıda bolar edi. Boryshkerlerdiń tólem qabiletin baǵalaý, kepil qoıý saıasaty sonshalyq qatań bolmaýshy edi. Sondyqtan bul másele áli talqylaý satysynda», - dedi bank basshysy.

Lázzat Ibragımova tipti «Otbasy bank» ekinshi deńgeıdegi bankter júıesinen shyǵarylǵan kúnniń ózinde salymshylardyń depozıtterine memleket kepildik beretinin atap ótti.

«Banktiń aktsıoneri «Báıterek» ulttyq basqarý holdıngi bolsa, «Báıterektiń» aktsıoneri Úkimet. Sonda Úkimettik deńgeıdegi kepildik bar degen sóz. Sondyqtan bul máselede túbegeıli sheshim qabyldanbaıdy dep oılaımyn. Óıtkeni bul jańa model. Al jańa model árqashan aýyr enedi. Sondyqtan eski modelde qalǵan durys», - deıdi Lázzat Ibragımova.