Otbasy bank «paıyzsyz» ıpotekaǵa Islam bankteriniń qarjysyn tartýy múmkin

<p>ASTANA. KAZINFORM &ndash; Úkimet otyrysynan keıin ótken baspasóz máslıhatynda &laquo;Otbasy bank&raquo; aktsıonerlik qoǵamynyń basqarma tóraıymy Lázzat Ibragımova ıslam ıpotekasynyń sharttary Qazaqstan zańnamasyna qanshalyq sáıkes keletini zerdelenip jatqanyn málim etti.</p>

— Men qarasha aıynda Májiliste bolǵanda aıttym, Qazir zańdardy qarap jatyrmyz. Qazirgi zańnama boıynsha turǵyn úı jınaqtaýdyń jańa ónimi jasaýǵa bola ma, álde zańdarǵa ózgeris kirgizý kerek pe degen máseleni talqylap jatyrmyz. 2025 jylǵa josparymyz sol ıpotekany jasaý, — dedi «Otbasy bank» basshysy.

Onyń sózinshe, atalmysh ıpoteka túri elde qoldanysqa ense, qajetti qarajat ıslam bankterinen tartylýy múmkin.

— Biz ıpotekalyq ónim jasaǵanda alǵashqy jarna 50 paıyz bolsa, salymshylardyń aqshasyn ǵana tartamyz. Al 20 nemese 30 paıyz bolsa ıslamdyq bankterdiń aqshasyn kirgizemiz, — dedi Lázzat Ibargımova.