«Otbasy bank» qyzmetkerleriniń aılyǵy qandaı

<p><span style="font-family: sans-serif; font-size: 18px;">&laquo;Otbasy bank&raquo; tóraǵasy Lázzat Ibragımova qolastyndaǵy qyzmetkerlerdiń qansha jalaqy alatynyn aıtty, dep habarlaıdy&nbsp;</span><a style="padding: 0px; margin: 0px; font-size: 18px; font-family: sans-serif;" href="https://kaz.inform.kz/" target="_blank" rel="noopener">QazAqparat tilshisi.</a></p>

«Otbasy banktiń» aılyq mólsheri, ókinishke qaraı, ózge ekinshi deńgeıdegi bankterdiń ortasha naryqtyq aılyǵynan tómen. Sondyqtan eńbek naryǵyndaǵy báseke óte kúrdeli. Ásirese, ІT salada qıyn. Óziniń mobıldik qosymshalaryn damytyp jatqan bankter óte ıkemdi saıasat ustanyp otyr. Olar tutas komandalarǵa bıýdjet bólip, aqsha bere alady. Biz kvazımemlekettik sektor qyzmetkeri bolǵandyqtan, eńbekke aqy tóleýdiń belgili bir erejesi bar. Bul turǵyda eshqandaı jańashyldyqqa bara almaımyz. Bizde tek aı saıynǵy aılyq pen toqsandyq syıaqylar ǵana bar. Sondyqtan básekelesý óte qıyn.

Fılıaldar boıynsha aıtsaq, ortasha aılyq 300 myń teńgeden bastalyp 400 myń teńgege deıin jetedi. Qyzmetkerlerdiń 80 paıyzy osyndaı aılyq alady.Ortalyq apparatta budan kóbirek. Onyń ózinde bári bloktarǵa baılanysty. ІT-blokta aılyq joǵary. Keńsedegi jumysshylar, býhgalterııa, operatsııalyq bólim sál tómen alady», – dedi basqarma tóraǵasy Májilistegi otyrystan keıin.

"Otbasy bank" basshysy qyzmetkerlerge beriletin syıaqy kólemi týraly da aıtty.

«Jalpy ákimshilik shyǵyndardan alyp qarasaq, syıaqylarǵa sonyń 30 paıyzynan aspaıtyn úlesi jumsalady», - dedi ol.

Alaıda, Lázzat Ibragımova óziniń aılyǵyn aıtýdan bas tartty.

«Bul – kommertsııalyq qupııa. Degenmen, kommertsııalyq bankterge qaraǵanda áldeqaıda az. Biz ekinshi deńgeıdegi bankterdiń ishinde kapıtaly boıynsha tórtinshi orynda tursaq ta – solaı. Blogerlerdiń biri sony eseptep, deńgeıles bakterge qaraǵanda 6,5 ese az alatynymdy jazǵan bolatyn», - dedi «Otbasy bank» basshysy.