Otbasy banki depozıtterinde zeınetaqy jınaqtaryn saqtaý merzimi uzartyldy
Ónerkásip jáne qurylys mınıstrligi 13 shildede Qazaqstan Respýblıkasy Indýstrııa jáne ınfraqurylymdyq damý mınıstriniń 2021 jylǵy 21 qańtardaǵy № 24 buıryǵymen bekitilgen birjolǵy zeınetaqy tólemderin turǵyn-úı jaǵdaılaryn jaqsartý úshin paıdalaný qaǵıdalaryn ózgertti.
Engizilgen ózgeristerge sáıkes, turǵyn úı satyp alý maqsatynda buryn birjolǵy zeınetaqy tólemderimen tolyqtyrylǵan «Otbasy Bank» AQ depozıtterinde qarajatty jınaqtaý merzimi 3 jyldan 6 jylǵa deıin uzartyldy.
Budan bólek, depozıtti erli-zaıyptylarǵa jáne jaqyn týystaryna berý kózdelgen, biraq salymdy úshinshi tulǵaǵa, ıaǵnı odan ári berýge jol berilmeıdi. Qujat resmı jarııalanǵannan keıin 10 kún ótken soń kúshine enedi.
Buıryqtyń tolyq mátinimen silteme arqyly tanysýǵa bolady.
Eske sala keteıik, Qazaqstanda zeınetaqy jınaǵyn erte sheship alý toqtatylýy múmkin ekendigi týraly habarlaǵan edik.
Eńbek jáne halyqty áleýmettik qoldaý mınıstri Svetlana Jaqypovanyń aıtýynsha, keıbir sarapshylar zeınetaqy qoryndaǵy jınaqty erte sheship alýdy toqtatýdy usynǵan.