«Otbasy» banki 20 mln-shy bop týǵan 5 balaǵa 2 mln teńgeden beredi

<p>&laquo;Otbasy&raquo; banki elimizdiń 20 mln-shy turǵyny atanǵan 5 balaǵa 2 mln teńgeden beredi. Bul týraly &laquo;Otbasy banki&raquo; AQ basqarma tóraǵasy Lázzat Ibragımova aıtty, dep habarlaıdy Kazinform.</p>

«Otbasy banki» elimizdiń 20 mln-shy turǵyny atanǵan balalardyń bolashaǵyna da óz úlesin qosqysy keledi. Biz olarǵa árqaısysy 2 mln teńge nomınaldy quny bar syılyq sertıfıkatyn syılaımyz. Bul sertıfıkat jaı ǵana syılyq emes. Ol – jarqyn bolashaqqa joldama. Bul qarajat jeke baspana satyp alýdyń alǵashqy qadamy bolady», - dedi ol Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, sertıfıkatty qoldaný úshin balalardyń ata-analar ózderi turyp jatqan qaladaǵy bank fılıalyna baryp, jeke kýáligin, balanyń týý týraly kýáligin kórsetýi kerek. Sonymen qatar vıdeobankıng arqyly da habarlasýǵa bolady.

«Ol úshin ata-analarǵa 3 aı ýaqyt beriledi», - dedi Lázzat Ibragımova.