«Otaý» jáne «Naýryz» baǵdarlamasy kimder úshin tıimdi – sarapshy pikiri

<p>ASTANA. KAZINFORM &ndash; Qazaqstanda jańadan eki turǵyn úı baǵdarlamasy iske qosyldy. Olardyń aıyrmashylyǵy qandaı? Baspana baǵasyna ınflıatsııa áser ete me? Bul saýaldardyń jaýabyn Public Policy Research Center úkimettik emes taldaý ortalyǵynyń dırektory Merýert Mahmutovadan surap kórgen edik.&nbsp;</p>

«Otaý» jumys isteıtin jastarǵa kóbirek kóńil bóledi. «Otbasy bankiniń» ótinishi boıynsha jyl saıyn qaryzdardyń jartysynan kóbi 35 jasqa deıingi azamattarǵa bólinedi. «Naýryz» baǵdarlamasy azamattardyń áleýmettik osal toptaryna yńǵaılandyrylǵan», — dedi Merýert Mahmutova Kazinform tilshisine pikirimen bólise otyryp.

Sarapshynyń aıtýynsha, «Otaý» jáne «Naýryz» ıpotekalyq turǵyn úı baǵdarlamalarynyń sharttary óte uqsas. Degenmen, olar halyqtyń ártúrli toptaryna arnalǵan.

Sondaı-aq, spıker eki baǵdarlamanyń da zaım mólsherlemesi ınflıatsııa deńgeıinen tómen ekenin jáne onyń «Otbasy banki» arqyly sýbsıdııalanatynyn aıtty.

Merýert Mahmutovanyń paıymdaýynsha, jańa memlekettik baǵdarlamanyń iske qosylýy Qazaqstandaǵy jyljymaıtyn múlik naryǵyna aıtarlyqtaı áser etpeıdi.

«Óıtkeni elimizde jeńildikti ıpoteka boıynsha satyp alynǵan páterlerdiń úlesi az. Buǵan deıin „Otbasy“ bankinen «Naýryz» turǵyn úı baǵdarlamasyn iske qosqan soń, birinshi jyly 12 myńǵa jýyq qazaqstandyq baspanaly bola alatynyn, al 8 jyl ishinde 68 myń azamat páterli bolady degen málimdeme jasaǵan.

«Bul baǵdarlamalar turǵyn úısiz azamattarǵa rasymen kómektesse, baǵdarlamanyń qalaı atalatyny mańyzdy emes, bastysy jumys istegeni», — dep tolyqtyrdy sarapshy. 

Aıta keteıik, búgin «Naýryz» turǵyn úı baǵdarlamasyna ótinim qabyldaý bastaldy.

Atalǵan baǵdarlamanyń talaptarymen tolyǵyraq silteme arqyly tanysýǵa bolady.