Otarda komaǵa túsken sarbaz soqqyǵa jyǵylǵan – Qorǵanys mınıstrligi

<p>ASTANA. KAZINFORM &ndash; QR Qorǵanys mınıstrliginiń resmı ókili Rýslan Jangýlın Jambyl oblysy Otar aýylynda sarbazdyń komaǵa túsýi týraly pikir bildirdi. Kinálige qatysty tergeý is-sharalary júrip jatyr.</p>

«Merzimdi qyzmettegi áskerı qyzmetshi qazir Almaty qalasyndaǵy áskerı-klınıkalyq gospıtalde jatyr. Oǵan barlyq qajetti medıtsınalyq kómek kórsetilýde. Áskerı dárigerler jáne basqa da mamandar ony kún saıyn tekserip, barlyq emdeý sharalaryn júrgizýde. Qazirgi ýaqytta onyń jaǵdaıy turaqty aýyr dep aıtýǵa bolady, biraq jaqsarýlar bar», - dedi resmı ókil Ortalyq kommýnıkatsııalar qyzmetinde.

Spıkerdiń aıtýynsha, ókilettigin shamadan tys asyrǵan ekinshi áskerı qyzmetshige qatysty áskerı-tergeý organdary tergeý is-sharalaryn júrgizýde. Ol – kelisimshart boıynsha áskerı qyzmette jumys istegen.

«Tergeý múddesi úshin basqa aqparat jarııa etilmeıdi», - dedi R. Jangýlın.

Aıta keteıik, Jambyl oblysynda sarbaz jansaqtaý bólimine túsken edi. Oqıǵa 9 maýsym kúni bolǵan. Jambyl oblystyq densaýlyq saqtaý basqarmasy baspasóz qyzmeti sarbazdyń jaǵdaıy aýyr ekenin málimdegen.

Prezıdent Qasym-Jomart Toqaev sarbazdyń komaǵa túsýine qatysty mán-jaıdy zerttep, kináli adamdardy jazalaýdy talap etti.