Otarda Armııa halyqaralyq oıyndary ótedi

ASTANA. QazAqparat - Jambyl oblysyndaǵy «Otar» áskerı bazasy aýmaǵynda Armııa halyqaralyq oıyndary ótedi. Oıyndardyń aıasynda «Suńqardy ańǵa salý», «Artıllerııa otynyń sheberleri» pılotsyz ushý apparattarynyń jarystary jáne «Senimdi tásil» áskerı baılanysshylar baıqaýy uıymdastyrylady, dep habarlaıdy QazAqparat.

Armııa oıyndary - halyqaralyq aýqymdaǵy biregeı shara. Áskerı oıyndar kópshiliktiń qyzyǵýshylyǵyn týdyrý arqyly halyqaralyq áskerı qaýymdastyqtyń, tájirıbe almasýdyń jańa sımvolyna jáne beıbitshilik pen kelisimniń kepiline aınaldy. Jyl saıyn armııa oıyndarynyń baǵdarlamasyna baıqaýlardyń jańa túrleri engiziledi. Olardyń ótkiziletin geografııasy keńeıip, qatysýshy elder sany artyp keledi.

QR Qorǵanys mınıstrliginen málim etkendeı, bıylǵy jyly Armııa oıyndary ártúrli baıqaýlar boıynsha Qazaqstan, Reseı, Ázerbaıjan, Armenııa, Belarýs, Iran  jáne Qytaı elderinde ótedi.

Qazaqstandyq áskerı qyzmetshiler Armııa halyqaralyq oıyndarynyń 28 baıqaýynyń 14-ine qatysady.