Otanyma aman-saý jetemin degen oıdamyn - Kıevtegi qazaqstandyq

NUR-SULTAN. QazAqparat – Otandasymyz Medına Gýmerova Ýkraına astanasy Kıevte turady. Osy oraıda QazAqparat tilshisi otandasymyzdan Ýkraınadaǵy qazirgi jaǵdaı týraly surap bilgen edi.

«Aqsham bitip jatyr, sońǵy 100 dollardaı ǵana qaldy. Bank kartamdy buǵashttap tastady. Áriptesterim azyq-túlikke aqsha jaǵynan kómektesip jatyr. Keshe azyq-túlik alýǵa bardym. Dúkender men saýda marketterinde uzyn-sonar kezek. Adamdarmen aldymen eń kerek nan, jumyrtqa, sút taǵy sol sııaqty azyq-túlikti alyp jatyr. Ózimdi úıde ǵana qaýipsiz sezinemin, syrtqa shyǵý qaýipti jáne qorqynyshty», - dedi Medına Gýmerova.

Otandysymyz elge qaıtýda Ýkraınadaǵy Qazaqstannyń elshiliginiń kómegine úmit artyp otyr.

«Otanyma aman-saý jetem degen oıdamyn. Aýyr sapar bolaıyn dep tur. Óıtkeni, maǵan aldymen elshilik ǵımaratyna jetip alý kerek, al syrtqa shyǵý qaýipti. Odan ári Polshamen shekaraǵa jetý kerek, ol da ońaı emes. Qazir Ýkraınanyń barlyq aýmaǵynda jaǵdaı qıyn. Elde bolyp jatqan jaǵdaı týraly habardy úzbeı qarap, baqylap otyrmyn», - deıdi ol.