Otanǵa qyzmet etý úlken mártebe - Táýelsizdik qurdasy
Sanjar Tanqaqov – Almaty qalalyq polıtsııa departamentiniń asa mańyzdy ister jónindegi aǵa tergeýshisi. Ol 1991 jyly 23 sáýir kúni Almaty oblysy, Alakól aýdanynda dúnıege kelgen.
«Men Qazaqstan Respýblıkasy ІІM Almaty akademııasynyń túlegimin. 2013 jyly oqý ornyn bitirgennen keıin Almaty qalasy Alataý aýdandyq polıtsııa basqarmasynyń tergeýshisi bolyp taǵaıyndaldym. 2017 jyly Almaty qalasy ІІD Tergeý basqarmasynyń tergeýshisi qyzmetine aýystym. Men bul mamandyqty óz erkimmen tańdadym, polıtsııa qyzmetkeri, ıaǵnı tergeýshi bolǵym keldi. Úılengenmin, bir jarym jasar qyzym bar», - deıdi polıtsııa maıory.
Polıtsııa qyzmetkeriniń aıtýynsha, Elbasy – QR Tuńǵysh Prezıdenti Nursultan Nazarbaevtyń arqasynda Qazaqstan ekonomıkasy damyp, demokratııalyq negizi bar memleketke aınaldy.
«Elimizdiń basty jetistiginiń biri ári biregeıi – El astanasy Nur-Sultannyń boı kóterýi. Az ýaqyttyń ishinde Qazaqstannyń kórnekti belgisine aınalǵan zamanaýı qala paıda boldy. Táýelsizdik kezeńinde respýblıka bedeldi de, yqpaldy halyqaralyq uıymdarǵa múshe boldy. 2012 jyly biz Dúnıejúzilik ekonomıkalyq forýmnyń jahandyq esebinde álemdegi básekege qabiletti 50 eldiń qataryna kirdik. 2017 jyly 115 memleket pen 22 halyqaralyq uıym qatysqan EKSPO kórmesin TMD elderi arasynda birinshi bolyp ótkizdik.
Barlyq jetistikterimizdi saralaı kele, biz alǵa umtylyp, zaman aǵymyna ilesip, básekege qabiletti 30 eldiń qataryna kire alamyz dep senimmen aıta alamyz. Men úshin Otanǵa, halyqqa qyzmet etý, memleketke óz úlesimdi qosý – eń mańyzdy jetistik», - dedi Sanjar Tańqaqov.
Nazerke Aıtjanova – Almaty qalasy PD Bostandyq aýdandyq polıtsııa basqarmasynyń jedel-krımınalıstıkalyq bóliminiń krımınalısi. Nazerke 1991 jyly 3 sáýirde Batys Qazaqstan oblysy, Jalpaqtal aýylynda dúnıege kelgen.
«Otbasynda úsh qyzbyz, men úıdiń úlkenimin. 2013 jyly Batys Qazaqstan oblystyq PD jedel-krımınalıstıkalyq bólimine krımınalıst qyzmetine joldama alsam, bıyl otbasylyq jaǵdaıyna baılanysty Almaty qalasyna aýystym. Alǵashynda megapolıste, úlken qalada, basqa kontıngentte, úlken júktemede jumys isteý qıyn boldy. Biraq sodan keıin tájirıbeli jáne joǵary bilikti tálimgerler men áriptesterimniń kómegimen men krımınalıstıka negizderin úırendim «, - dedi ol.
Nazerke Aıtjanova turmysta. Bir qyz, bir ul tárbıelep otyr. Onyń joldasy da Іshki ister organdarynda da qyzmet etedi.Naqtyraq aıtsaq, Qazaqstan Respýblıkasy ІІM M. Esbolatov atyndaǵy Almaty akademııasynda jumys isteıdi.
Jas krımınalıst el Táýelsizdiginiń 30 jyldyǵy ol úshin óte aıtýly kún ekenin atap ótti.
«Qazaqstan – turaqtylyq pen jańa múmkindikterdiń kepili. Men osy jerde týyp-óstim, elimizdiń vedomstvolyq joǵary oqý oryndarynyń birinde bilim alyp, damý múmkindigin paıdalandym. Osyndaı jas, biraq onsyz da qýatty memleketti tanytatyn urpaqtyń ókili bolý biz úshin mártebe. Biz 1991 jyly dúnıege keldik – bul bizge ári qaraı damyp, bıik belesterdi baǵyndyrýǵa jol ashady», – dep qosty keıipkerimiz.
Megapolıstegi qaýipsizdikti qadaǵalap, kóshedegi tártipti baqylap júrgen táýelsizdik qurdastarynyń biri Nursultan Ospanov. Ata jolyn qýyp, polıtsııa mamandyǵyn tańdapty. Qazirgi sheni kapıtan.
«Maǵan Qazaqstan Respýblıkasy Tuńǵysh Prezıdentiniń qurmetine sol kisiniń esimin berdi. Ákem ishki ister organdarynda jumys istedi, men de áke jolyn qýýdy jón kórdim. 2015 jyldan beri ýchaskelik polıtsııa ınspektory bolyp jumys isteımin. Men óz jumysymdy baǵalaımyn, óıtkeni árbir jumys paıdaly bolýy kerek dep esepteımin. Ýchaskelik polıtsııanyń basty maqsaty – quqyq buzýshylyqtyń aldyn alý, qoǵamdyq tártipti saqtaý. Qylmys oryn alǵan jaǵdaıda ýchaskelik polıtsııa qyzmetkerleri oqıǵa ornyna birinshi bolyp keledi – olar óz aımaǵyn, keıde jábirlenýshi nemese kúdikti bolǵan adamdy jeke biledi. Sondyqtan biz jedel qyzmetkerlerge eń qajetti aqparatty bere alamyz. Aýdannyń tynyshtyǵy bizdiń moınymyzda «, - dedi ol.
Keıipkerimizdiń pikirinshe, merekelik data – Táýelsizdiktiń 30 jyldyǵy bostandyqtyń sımvoly.
«Táýelsiz Qazaqstannyń barlyq jetistikteri men jeńisteri Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaevtyń tegeýrindi jáne dana basshylyǵymen árbir qazaqstandyqtyń tabandy da tynymsyz eńbeginiń arqasynda múmkin boldy. Qazaqstan ıadrolyq qaýipsizdik reıtınginde eń qaýipsiz elderdiń qataryna kiredi. Elbasy N.Á. Nazarbaev Qazaqstandy elimizdiń ulttyq múddelerine nuqsan keltirmesten ıadrolyq qarýsyz memleketke aınaldyrý jónindegi tarıhı mańyzdy mindetti sheshe bildi.
Óz kezeginde polıtseıler de óz mindetine adal dep aıta alamyn. Men úshin Otanyma qyzmet etý, Qazaqstannyń táýelsizdigimen qurdas bolý – úlken mártebe. Barsha qazaqstandyqtardy Táýelsizdik kúnimen quttyqtaımyn!», – dep túıindedi tártip saqshysy.