Otandyq zymyran shyǵarý máselesi týraly sóz qozǵaýǵa áli erte - T.Musabaev

ASTANA. 21 maýsym. QazAqparat - Otandyq zymyran shyǵarý máselesi týraly sóz qozǵaýǵa áli erte. Bul týraly búgingi onlaın-konferentsııa barysynda QR Ulttyq ǵarysh agenttiginiń tóraǵasy Talǵat Musabaev málimdedi, dep habarlaıdy BNews.kz.

Qazir ýaqytta álemde óziniń zymyranyn shyǵaratyn eldiń sany ne bári 10-ǵa jetetindigin atap ótken agenttik tóraǵasy: «Ol elder zymyran jasaıtyn kásiporyndaryn kem degende 50 jyl ishinde salǵan. Bizdiń Ulttyq ǵarysh agenttigimizdiń ózi endi ǵana 5 jylǵa aıaq basyp otyrǵanda, otandyq zymyran shyǵarý máselesi týraly sóz qozǵaýǵa áli erterek», - dedi onlaın-konferentsııada qoıylǵan saýalǵa oraı.

Sonymen qatar T.Musabaev otandyq zymyran turmaq, alǵashqy jasandy jer serigimizdiń  ózi durys jasalmaǵandyǵyn basa aıtty. «QazSat-1» sátsizdikke ushyraǵany belgili. Sebebi ony jasaý kezinde tájirıbe men mamandar az boldy. Al «QazSat-2» qazir óz jemisin berip tur. Elimizdegi baılanys operatorlarynyń birazy ekinshi serigimiz arqyly jumys istep jatyr. Jalpy, ǵarysh - zertteýdi kóp qajet etetin sala. Sondyqtan munda barlyǵy da tájirıbe jáne ǵylymı zertteý arqyly keledi», - dedi ol.