Otandyq vaktsınanyń tıimdiligi joǵary - professor

ALMATY. QazAqparat- QR klınıkalyq jáne irgeli medıtsına akademıgi, Asfendııarov atyndaǵy QazUMÝ epıdemıologııa kafedrasynyń jáne Qazaq medıtsınalyq úzdiksiz bilim berý ýnıversıtetiniń professory Sáken Ámireev onlaın brıfıng barysynda «QazVac» vaktsınasyna qatysty pikirin bildirdi, dep habarlaıdy QazAqparat tilshisi.

Onyń aıtýynsha, qazir qoldanylyp jatqan eki vaktsınada synaqtyń barlyq túrinen ótken. Ekeýin de qoldanýǵa dúnıejúzilik densaýlyq saqtaý uıymy ruqsat berdi.

«Qazaqstanda buǵan deıin reseılik «Spýtnık V» vaktsınasy salynyp keldi. Bul álem boıynsha eń senimdi vaktsınanyń biri dep sanalady. Sondyqtan ony álemniń 60-tan astam eli qoldanýda, onyń ishinde Qazaqstan da bar. Sondaı-aq elimiz «QazVac» otandyq vaktsınasyn jasap shyǵardy. Ol da qaýipsiz jáne tıimdiligi joǵary, osy eki krıterıı qatań saqtalǵan. Óıtkeni ol barlyq synaqtan ótti, sondyqtan Dúnıejúzilik densaýlyq saqtaý uıymy ony qoldanýǵa ruqsat berdi»,- deıdi professor.

Sáken Ámireev otandyq vaktsınaǵa qatysty oıyn bildirdi.

«Elimizde salynyp jatqan eki vaktsınanyń qaısysyn tańdaý ol óz qalaýyńyzda. Degenmen biz otandyq ónimdi qoldaýymyz kerek»,- dedi ol.