Otandyq týrızmge qoıylatyn sapa standarttary jańarady
«Іshki týrızm sapasyn jaqsartý maqsatynda halyqaralyq standarttar negizinde birqatar standart bekitildi. Biraq, standartpen jumys isteý týrızm bıznesiniń erkine beriledi. Bıznes sýbektilerin erikti standartqa saı jumys isteýge yntalandyrý úshin «Kazakh Tourism» ulttyq kompanııasy sapa standarttaryn nasıhattaýmen aınalysady», - dedi Serik Jarasbaev depýtattyq saýalǵa bergen jaýabynda.
Onyń aıtýynsha, keıbir standarttardy jańartyp, jetildirý qajet. Sondyqtan da, qazir týrızm salasy standarttaryna ózgerister engizý jáne qaıta qaraý boıynsha QazStandart uıymymen jumys júrgizilip jatyr.
«Týrızm salasynyń qyzmetteri boıynsha standarttardyń tolyq tizimi jasaldy. Sonymen qatar, týrıstik qyzmetterdiń sapasyn arttyryp, bıznes ókilderin yntalandyrý maqsatynda ulttyq jáne halyqaralyq standarttardyń talaptaryna sáıkes keletin bıznes sýbektileri úshin «sapa belgisi» pılottyq baǵdarlamasy iske qosyldy», - deıdi ol.
«Sondaı-aq, týrbıznes ókilderi úshin kóshpeli semınarlar uıymdastyrylyp jatyr. Іshki týrızmniń onlaın akademııasynda birqatar kýrs ashyldy. Atalǵan sharalar týrızm salasynda sapany arttyrýǵa jáne jańa týrıstik ónimderdi qurýǵa yqpal etedi», - dep tolyqtyrdy S. Jarasbaev.