Otandyq týrıstik kompanııalar Germanııadaǵy kórmege qatysady
Kórmede 20 týrıstik kompanııa Qazaqstan stendin qoıady, olardyń qatarynda Turan Asia, Asia Discovery, Akjol travel, Explore Central Asia, Arnai tours, Kompas, International Travel Plus, Nata Worldwide travel kompanııalary, sondaı-aq «Qazjol» men «Otyrar» qonaq úı keshenderi bar.
Resmı delegatsııa quramynda Qazaqstan Respýblıkasy Mádenıet jáne sport mınıstrliginiń jaýapty hatshysy Q.Ýálıev, Týrızm ındýstrııasy departamentiniń dırektory M.Iǵalıev, Іshki jáne kóshpeli týrızm basqarmasynyń jetekshisi J.Qazkenova, sondaı-aq «Atameken» UKP ókilderi men «Qazaqstannyń syrtqy saýda palatasy» JShS ókilderi bar. Sonymen qatar, kórmege týrızmniń óńirlik basqarmalarynyń, «Astana Convention Bureau» JShS men «Astana-EKSPO» UK AQ ókilderi qatysady.
Kórme baǵdarlamasynda kóptegen baǵyttar qamtylǵan: vorkshoptar, bıznes-saıahat sektsııasy, qonaqjaılylyq pen marketıng, týrızmdegi ınternet-tehnologııa men jas kásibıler. Týrıstik jańa ári tanymal baǵyttarmen tanysyp, áriptestik baılanys ornatqylary keletinderge bólek dıstantsııa kúnderi ótkiziledi.
Dúnıejúzilik týrıstik uıym baǵdarlamasy boıynsha kórme aıasynda 9 naýryz kúni ótetin Uly Jibek joly boıynsha týrıstik operatorlarǵa arnalǵan 6 Forým qazaqstandyq týrıstik naryq úshin maqsatty is-shara bolýy múmkin.
«Atameken» ulttyq kásipkerler palatasy ózara tıimdi seriktestikti qamtamasyz etý, týrıstik baılanysty arttyrý jáne týrızmdegi ózekti máseleler boıynsha tájirıbe almasý maqsatynda birqatar kezdesýler josparlady.