Otandyq traktor men kombaındardy bastapqy jarna tólemeı-aq lızıngke alýǵa bolady

NUR-SULTAN. QazAqparat - Otandyq traktorlar men kombaındardy lızıngke bastapqy jarnasyz usyný týraly buıryq qabyldandy, dep habarlaıdy Indýstrııa jáne ınfraqurylymdyq damý mınıstrligi.

Indýstrııa jáne ınfraqurylymdyq damý mınıstri daǵdarysqa qarsy sharalardy iske asyrý sheńberinde traktor men kombaındy jańartýdy qarjylandyrý boıynsha zańdy tulǵalardyń jarǵylyq kapıtalyna memlekettiń qatysýy arqyly bıýdjettik ınvestıtsııalardy qarjy-ekonomıkalyq negizdeýdiń keıbir máseleleri týraly buıryqqa qol qoıdy.

Osy buıryq sheńberinde «QDB-Lızıng» AQ osy jyldyń sońyna deıin ataýly mólsherlemesi 6% jáne lızıngke bastapqy jarnasyz otandyq traktorlar men kombaındardy usynady.

Qazirgi ýaqytta atalmysh baǵdarlamaǵa kelesi tehnıkalar kiredi:
➖ «Lovol» («Agromashholdıng KZ» AQ), «Versatile» («Qazaqstan Agro Innovatsııalyq Korporatsııasy» JShS), «Belarýs» («SemAz» JShS, «Kompozıt Grýpp Kazahstan» JShS jáne «Qazaqstan Agro ınnovatsııalyq korporatsııasy «JShS) jáne «Kırovets» («Qostanaı traktor zaýyty» JShS») traktorlary;
➖ «Essil» («Agromashholdıng KZ» AQ), «Acros» («Qazaqstan Agro ınnovatsııalyq korporatsııasy» JShS, «Kazrost Engineering Ltd» JK), «VECTOR 410 KZ» («Kazrost Engineering Ltd»JK) kombaındary.