Otandyq telearnada balalar kúnine oraı qaıyrymdylyq telemarafony ótkiziledi

NUR-SULTAN. QazAqparat - «Qazaqstan» teleradıokorporatsııasy 1 maýsym – Halyqaralyq balalardy qorǵaý kúnine oraı «Aınalaıyn» qaıyrymdylyq teleradıomarafonyn ótkizedi, dep habarlaıdy QazAqparat.

Sharanyń negizgi maqsaty – densaýlyǵyna baılanysty kómekke muqtaj balalarǵa kópshiliktiń atsalysýymen qolushyn sozý, olardyń jarqyn bolashaǵyna jol ashý.

Tikeleı efır barysynda nefroblastoma dertimen kúresip kele jatqan 6 jastaǵy elordalyq Alarnaz Ábdikárimge, leıkoz dıagnozymen Túrkııada em alyp jatqan 4 jastaǵy Jezqazǵan qalasynyń turǵyny Batyr Abınge, mıkrotııa jáne atrezııa dıagnozy qoıylǵan 5 jastaǵy almatylyq Álıma Jańabaıǵa, epılepsııa, gıpoplazııa dertine shaldyqqan 5 jastaǵy Atyraý turǵyny Ámir Badakovqa kómek kórsetiledi.
Teleradıomarafon Qazaqstan telearnasynan 1 maýsymda 12:00, 15:00, 17:15, 20:30-da, Qazaq radiosy-nan 17:15 jáne 20:30-da tikeleı efırde ótedi.

Efır barysynda kómek kórsetiletin keıipkerlerdiń rekvızıtteri tómende kórsetilgen. Qarjy keıipkerlerdiń jaqyndarynyń atyna ashylǵan esepshotqa túsedi.

1.Alarnaz Ábdikárim
Gúlaıym Abdrahmanovanyń atyna ashylǵan esepshot:

KASPI GOLD: 4400 4301 1376 7195

KZ83 722C 0000 1678 5095
2. Batyr Abın
Záýre Tólebaevanyń atyna ashylǵan esepshot:

KASPI GOLD: 5169 4971 4380 4890

KZ68 722C 0000 1492 7039
3. Álıma Jańabaı
Aıan Qalamovanyń atyna ashylǵan esepshot:

KASPI GOLD: 5169 4931 9848 6576

KZ73722C000023417068

4. Ámir Badakov
Asylaı Badakovanyń atyna ashylǵan esepshot:

KASPI GOLD: 5169 4971 0338 1202

KZ07722C000015835572.
«Qazaqstan» teleradıokorporatsııasynyń bıyl 1 naýryz – Alǵys aıtý kúnine oraı ótkizgen «Myń alǵys» qaıyrymdylyq marafonynda kómekke muqtaj jandarǵa jomart jandardyń qoldaýymen 22,2 mln teńge jınalǵan.