Otandyq taýarlarǵa ındýstrıaldy sertıfıkat beriledi
«Qazir bizdiń Zańda júkti kidirtpeý úshin ımporttalatyn taýarlardy qaýipsizdigin rastaıtyn qujatsyz, ıaǵnı sertıfıkatsyz shartty túrde shyǵarý kórsetilgen. Ótken jyly bul máseleni ózińizdiń tapsyrmańyzben qarap, shartty túrde shyǵarylatyn ımport taýarlar tiziminen balalar oıynshyǵyn, veleosıped, samokadtardy bala densaýlyǵyna zııanyn tıgizetin bolǵandyqtan alyp tastadyq. Shartty túrde shyǵarylatyn taýarlar 60 kúnniń ishinde keden organdaryna sertıfıkatyn jetkizýi qajet. Al josyqsyz ımportty alyp kelgen kásipkerler 60 kúnniń ishinde sertıfıkatyn tapsyrmasa 20 aılyq eseptik kórsetkish qana aıyppul salynady. ıAǵnı, olardyń taǵy da alyp kelýine eshqandaı kedergi joq», - dedi ol Premer-Mınıstrge qarata.
Máselen, onyń dereginshe, ótken jyldyń tórtinshi toqsanynda 11 myńnan astam ımport taýar Qazaqstan naryǵyna shartty túrde shyǵarylǵan. Sonyń 4 paıyzy, ıaǵnı 413-i 60 kúnniń ishinde sertıfıkattardy keden organdaryna jetkizbegen.
«Árıne, bul úlken tsıfr dep aıta almaımyn. Biraq, josyqsyz alyp kelgen ımporttyń qansha saýda ornyna, qansha tutynýshyǵa jetetindigi barshamyzǵa málim. Bul salada jyldyń ortasyna deıin otandyq kásipkerlerge ındýstrıaldy sertıfıkat beriledi. Qazir otandyq káspkerler óndiretin taýarlardyń tizimi qaralýda. Osy tizim daıyn bolǵannan keıin ózimizde óndirilgen taýarlar jaqsy bolsa, onda ony shartty túrde shyǵarylatyn taýarlar tizimine kirgizip, ımport taýardy alyp tastaý qarastyrylyp jatyr. Bul otandyq kásipkerlerdiń damýyna jaqsy jaǵdaı jasar edi», - dedi Abylaı Myrzahmetov.