Otandyq óndirýshilerge qoldaý kórsetilýi kerek – Prezıdent
«Otandyq óndirýshilerdi qoldaý – memlekettiń daǵdarysqa qarsy sharalarynyń negizgi elementi bolyp sanalady. Ár óńirde bul másele ákimniń orynbasaryna jeke júktelýi tıis», - dedi Qasym-Jomart Toqaev Úkimettiń keńeıtilgen otyrysynda.
Prezıdent jyl qorytyndysy boıynsha Úkimet pen Prezıdent Ákimshiligi tutas oblys pen olardyń jumysyna baǵa beretinin aıtty. Jergilikti qamtamasyz etý máselesi aı saıynǵy negizde Ekonomıkalyq ósimdi qalpyna keltirý komıssııasynda qaralýy tıis.
«Іndet eldi azyq-túlikpen qamtamasyz etýdiń álsiz tustaryn kórsetip berdi. Pandemııa kezinde halyqtyń tabysy azaıdy, áleýmettik mańyzy bar azyq-túlik taýarlary qymbattaı tústi. Azyq-túlik taýarlary baǵasynyń qymbattaý ındeksi eldegi ınflıatsııa ındeksinen 1,6 esege asty», - dep synǵa aldy Prezıdent.
Eske sala ketsek, Memleket basshysy Qasym-Jomart Toqaevtyń tóraǵalyǵymen Úkimettiń keńeıtilgen otyrysy beıne baılanys júıesi arqyly bolyp jatyr.
Jıynda Úkimet 2020 jyldyń alǵashqy jarty jyldyǵyndaǵy elimizdiń áleýmettik-ekonomıkalyq damý qorytyndysy týraly esep berýde. Sondaı-aq koronavırýsqa qarsy kúreske qatysty qabyldanǵan sharalar, Memleket basshysynyń Úkimettiń aldaǵy ýaqytta atqaratyn jumysynyń negizgi baǵyttary boıynsha bergen tapsyrmalary men mindetteri qarastyrylady.