Otandyq mýzeıler eldi «Máńgilik El» ıdeıasy tóńiregine biriktirýde mańyzdy ról atqarady - B. Tóltaev
Oǵan qaladaǵy mýzeılerdiń basshylary, mýzeıtanýshy ǵalymdar, mýnıtsıpaldyq organdar men sheteldik mádenı ortalyqtardyń ókilderi qatysty.
«Halyqtyń ǵasyrlar boıy jınaǵan ulttyq ıgilikteri óskeleń urpaqqa saqtalǵan jáne tolyqtyrylǵan kúıinde jetýi kerek. Óıtkeni, tarıhyn bilmegen ulttyń bolashaǵy qarań. Bul jerde elimizdiń baı tarıhı-mádenı murasyn, ózindik ereksheligin saqtaýda jáne halyqty «Máńgilik El» ıdeıasy tóńiregine biriktirýde otandyq mýzeıler mańyzdy ról atqarady. Olar materıaldyq jáne materıaldyq emes eskertkishterdi jınap, saqtaı otyryp, úlken ǵylymı aǵartýshylyq, bilim berý jáne tárbıelik jumystar júrgizip keledi. Munyń barlyǵy kelýshilerdi el tarıhymen, taǵdyrymen, tanystyrýǵa jáne olardy patrıottyq rýhta tárbıeleýge baǵyttalǵan», - dedi «Ǵylym ordasy» RMK bas dırektory Baýyrjan Tóltaev.
Sonymen qatar, búgingi shara barysynda mýzeılerdiń qyzmetin nyǵaıtý máseleleri talqylanyp, tyń usynystar aıtyldy.
Aıta ketelik, búginde «Ǵylym ordasy» RMK-da bes mýzeı jumys isteıdi. Olar: Tabıǵat, Arheologııa, Sırek kitaptar jáne Qazaqstan ǵylymynyń tarıhy mýzeıi. Ótken jyly olardy 30 myńdaı adam tamashalaǵan.
Al jyl saıyn 18 mamyrda búkil álemde mýzeı qyzmetkerleri ózderiniń kásibı merekesin atap ótedi. Atalmysh mereke - kúntizbede 1977 jyly Halyqaralyq mýzeıler keńesiniń (International Museum Day (ICOM) kezekti otyrysynda osy mádenı merekeni bekitý týraly Reseı uıymynyń usynysymen qabyldandy. 1978 jyldan beri Halyqaralyq mýzeıler kúni 150-den astam memlekette merekelenip keledi.