«Otandyq ǵylym ózin ǵana asyrap otyr ma?» - respýblıkalyq basylymdarǵa sholý

ASTANA. 28 mamyr. QazAqparat - Qazaq aqparat agenttigi respýblıkalyq basylymdarda 28 mamyr, senbi kúni shyqqan ózekti materıaldarǵa sholýdy usynady.

***

Juma kúni Almatyda «Ǵylymnyń damýy - elimizdiń bolashaǵy» atty forým óz jumysyn bastady. Bul basqosý Elbasynyń ǵylym salasy boıynsha bergen tapsyrmalaryn oryndaý jónindegi elimizdegi ǵylymı uıymdar men joǵary bilim beretin mekemelerdiń mindetterine arnaldy. Osy jaıt arqaý bolǵan maqala «Egemen Qazaqstan» gazetinde «Otandyq ǵylym ózin ǵana asyrap otyr ma?» degen taqyryppen berildi. Basylymnyń atap ótýinshe, 200-den astam ǵylym ókilderi qatysqan forýmda aldymen Bilim jáne ǵylym mınıstri Baqytjan Jumaǵulov sóz sóıledi. Forým barysynda zertteý ýnıversıteti sanatyn engizý ma­ńyzdy kezeń ekeni aıtylyp, so­ny­men qatar konkýrstyq negizde 10 ınnovatsııalyq baǵdarlanǵan jo­ǵa­ry oqý orny irikteletini málim boldy.

Osy basylymnyń jazýynsha, keshe Syrtqy ister mınıstrliginde Parlament Májilisiniń Halyqaralyq ister, qorǵanys jáne qaýipsizdik komıtetiniń kóshpeli otyrysy barysynda vedomstvo basshysy Erjan Qazyhanov Qazaqstannyń syrtqy saıasattaǵy negizgi baǵyttarynyń júzege asyrylýy jaıynda baıandama jasady. Qazaqstan syrtqy saıasat vedom­stvosynyń basshysy depý­tat­tardy elimizdiń 20 jyldyq táý­el­sizdigimen qatarlasa kele jat­qan syrtqy saıasattaǵy qol jetkizilgen jetistikter jáne qory­tyn­dylarmen tanystyra otyryp, elimizdiń EQYU-daǵy ótken sátti tóraǵalyǵy men Uıymnyń Astana sammıtiniń jemisti ótkenine, sondaı-aq Qazaqstannyń ShYU-ǵa qazirgi tóraǵalyǵy men aldaǵy IKU-ǵa tóraǵalyǵyna jan-jaq­ty toqtaldy.

Tarazda taǵy bala satyldy. Bul bıyldyqqa tirkelgen úshinshi oqıǵa. Aǵymdaǵy jyldyń 17 naýryz kúni qala irgesindegi Jambyl aýdanyna ornalasqan «Senim» jekemenshik perzenthanasynda týylǵanyna birneshe kún bolǵan sábıdi satý kezinde «Úmit» babalar úıiniń basshylary ustalǵan bolatyn. «Al jýyrda OІІD-iniń qyzmetkerleri «Stop-trafık» jedel-izdestirý is-sharasy kezinde oblys ortalyǵyndaǵy bir perzenthanada akýsherdiń sábıdi satý qylmysyn áshkereledi. Kúdiktiden búgingi kúni qaladan shyqpaý jóninde qolhat alynyp, tergeý amaldary júrgizilýde. Joǵarydaǵy oqıǵadan bólek úsh aılyq náresteni «Senim» medıtsınalyq mekemesinde satý oqıǵasy aǵymdaǵy jyldyń 15 naýryz kúni oryn aldy», - dep jazady «Aıqyn» gazeti búgingi nómirindegi «Bir-birine siltep otyr» degen maqalasynda.

Aýyr atletıkadan Qazaqstan quramasyn alda taǵy bir úlken synaq kútip tur. Naqtylap aıtsaq, 26 maýsym men 7 shilde aralyǵynda Malaızııanyń Penang qalasynda 20 jasqa deıingi jasóspirimder arasyndaǵy álem birinshiligi ótedi. Oǵan barlyq qurlyqtyń beldi komandalary tolyqtaı qatysady. Sheteldik sarapshylardyń pikirinshe, komandalyq bas júlde úshin negizgi tartys Qytaı men Reseı ziltemirshileri arasynda ótedi. Dúbirli doda arqaý bolǵan maqala «Aıqyn» gazetiniń senbilik sanynda «Malaızııada mereıimiz ústem bolsyn!» degen taqyryppen berilgen.

***

Keshe Astanada Qazaqstan-Italııa úkimetaralyq ónerkásip jáne ekonomıkalyq yntymaqtastyq tobynyń otyrysynda qos tarap ekijaqty áriptestiktiń ózekti máseleleri boıynsha konsýltatsııalar ótkizip, birqatar kelisim jasaldy. Atalǵan jaıt arqaý bolǵan maqala «Alash aınasy» gazetinde «Italııa úkimeti Qazaq eliniń DSU-ǵa ótýine múddeli» degen taqyryppen berilgen. Basylymnyń jazýynsha, ótken jyly ekijaqty taýar aınalymy 11,2 mlrd. AQSh dollaryna jetken. Bul - elimizdiń jalpy syrtqy saýda aınalymynyń 12,5 paıyzyna teń kórsetkish. Italııa sonymen qatar Qazaqstanda shyǵarylatyn shıkizat túrleriniń turaqty tutynýshysyna aınalyp úlgergen.

Osy basylymnyń turaqty «Dat!» aıdarynda QR Eńbek sińirgen ártisi, ánshi Ramazan Stamǵazıevpen aradaǵy suhbat «Zataevıch, Brýsılovskııler dombyranyń múmkindigin taza sezinbegen sekildi» degen taqyryppen berilgen. Basylym tilshisiniń barlyq saýaldaryna tuşymdy jaýap bergen ol: «Jazýshy, qalamger Tursynjan Shapaıdyń «Aýyz ben qulaq» degen áńgimesinde búkil aýyz jınalyp, aıqaıdy salady. Bireýi: «Biz nege aıqaılap jatyrmyz? Osynyń qulaqqa aıtaıyq!», - dep sheshedi. Barlyǵy jabylyp qulaqqa aıǵaılasa, ol estimeıdi. Úńilip qarasa, qulaqtyń tesigi joq eken. «Estimeıtin qulaq boldy ǵoı» dep tistep kórse, jańaǵy qulaq óli qulaq eken. Sol sııaqty biz aıǵaılaǵanmen estıtin qulaq joq. Qulaq bolǵanymen tesigi joq. Tesigi bolǵanymen, qulaqtardyń óli bolyp turǵan zamany», - deıdi.

***

«Parlament Májilisiniń Tóraǵasy Oral Muhamed­janov Japonııanyń elimizdegi Tótenshe elshisi ıÝdzo Haradany qabyldady», - dep jazady «Kazahstanskaıa pravda» gazeti. Májilis Tóraǵasy meımannyń Qazaqstandaǵy Tótenshe jáne óki­letti elshisi qyzmetiniń basta­lýy­men quttyqtap, eki el ara­syndaǵy ıgilikti isine tabys tiledi. Qazaqstannyń Japonııamen ara­daǵy baılanystyń damýyna aıryqsha mán beretinin, Japonııa Qazaqstannyń Qıyr Shyǵys aımaǵyndaǵy saıası jáne ekonomıkalyq senimdi áriptesi sanalatyndyǵyn aıtty.