Otandyq bıznes jemqorlyqpen kúresýge daıyn ba - saýalnama

NUR-SULTAN. QazAqparat - 2021 jyly táýelsiz halyqaralyq uıym júrgizgen áleýmettik saýalnamaǵa sáıkes, kásipkerlerdiń 11,8% sybaılas jemqorlyqtyń problemany tez sheshýge kómektesetinin moıyndaǵan, dep habarlaıdy QazAqparat tilshisi.

«Saýalnamaǵa qatysqandardyń 25% sybaılas jemqorlyq máselesi týyndaǵan kezde ýákiletti organmen yntymaqtastyqqa daıyn emestigin bildirdi»,-dedi QR Sybaılas jemqorlyqqa qarsy is-qımyl agenttiginiń Nur-Sultan boıynsha departamenti preventsııa basqarmasynyń basshysy Marat Haırýllın «Atameken» kásipkerler palatasynyń elodalyq fılıalynda ótken kezdesýde.

Ol memlekettik organdarǵa júgingen kezde kásipkerlerdi sybaılas jemqorlyqqa ıtermeleıtin birneshe sebepti atady.

Ol degenimiz - bıýrokratııalyq rásimder, normatıvtik-quqyqtyq aktilerdegi olqylyqtar men kollızııalar, laýazymdy tulǵalardyń qyzmet babyn josyqsyz ónim berýshiler úshin paıdalanýy, taǵy sol sııaqtylar.

«Joǵaryda aıtylǵandardyń bári turaqty sybaılas jemqorlyq shemalaryn qalyptastyrýǵa yqpal etedi», - dedi M.Haırýllın.

Onyń málimetinshe, bıyl jyl basynan beri departament sybaılas jemqorlyqqa qarsy 7 monıtorıng jáne jergilikti atqarýshy organdar qyzmetiniń sybaılas jemqorlyq táýekelderine 2 syrtqy taldaý júrgizdi.

Atqarylǵan jumys aıasynda qurylys, bilim, turǵyn úı, kásipkerlik, densaýlyq saqtaý, kólik, salyq jáne keden salalary qamtylǵan. Nátıjesinde 86 usynym ázirlendi.