Otandyq BAQ-ty qoldaý jumystary júrip jatyr - Lázzat Súıindik
«Jalpyulttyq birlikti, etnosaralyq kelisimdi nyǵaıtý mınıstrlik jumysynyń basymdyqty baǵyty bolyp sanalady. Memlekettik aqparattyq tapsyrys jáne memlekettik tapsyrma arqyly Qazaqstan halqy Assambleıasy qyzmeti men elimizdegi etnosaralyq kelisim boıynsha memlekettik saıasatty jarııalaý jumystary júrip jatyr. Bul rette jeke taqyryptyq jeli bar. Memlekettik aqparattyq tapsyrys aıasynda 18-ge tarta respýblıkalyq BAQ tartylǵan. QHA jumysyn jarııalaý tek etnıkalyq BAQ-pen ǵana emes, sonymen qatar basqa da medıa resýrstarmen kórsetilýi tıis», - Lázzat Súıindik etnıkalyq BAQ-ty qoldaý taqyrybyndaǵy QHA-nyń Májilistegi depýtattyq tobynyń otyrysynda.
Onyń sózine qaraǵanda, búginde 12 tilde taralatyn etnıkalyq 52 buqaralyq aqpart quraly tirkelgen.
Sonymen qatar, L. Súıindik mınıstrlik otandyq BAQ-ty qoldaýdy jetildirý jumystaryn jalǵastyryp jatqanyn atap ótti. Qazirgi kezde BAQ máseleleri boıynsha zańǵa ózgerister pysyqtalýda. Osy oraıda, baspa gazetteri men jýrnaldar úshin QQS-ty tóleý boıynsha nóldik stavkany qoldaný máselesi qaralýda. Bul turǵyda shamamen 10 jyldyq merzim eskerilgen, ıaǵnı 2021 jyldan 2030 jyl aralyǵyn qamtıdy.
«Biz ony ne úshin istep otyrmyz? Biz baspasóz basylymy naryǵyna taldaý júrgizgen bolatynbyz. Onyń barysynda birqatar problemany anyqtadyq. Osy oraıda, baspasóz basylymdary arasynda jarnama berýshilerdiń qyzyǵýshylyǵy azaıǵan, sáıkesinshe bul baǵytta tıimdilik deńgeıi tómendegen. Sondyqtan QQS-ty tóleý boıynsha nóldik stavka turǵysynda tıisti túzetýdi engizý sheshimi jasaldy. Qazirgi kezde Respýblıkalyq bıýdjettik komıssııa qaraýyna engizý boıynsha qujattar paketi daıyndalýda», - dedi komıtet basshysy.