Otandyq aýyl sharýashylyǵy salasyna molynan ınvestıtsııa salǵan elder belgili boldy

ASTANA. QazAqparat – Aldaǵy bes jylda aýyl sharýashylyǵy salasyna birneshe iri ınvestor tartý josparlanyp otyr. Bul týraly QR Aýyl sharýashylyǵy mınıstri Erbol Qarashókeev málimdedi, dep habarlaıdy QazAqparat tilshisi.

Astana halyqaralyq forýmynyń aıasynda BAQ ókilderiniń saýalyna jaýap bergen mınıstr otandyq aýyl sharýashylyǵy salasyna ınvestıtsııa salyp jatqan negizgi elderdi atady.

«Negizgi ınvestorlar – Eýropalyq Odaq elderi, Qytaı, Reseı. Sońǵy kezderi bul sektorǵa AQSh ta kire bastady», - dedi Erbol Qarashókeev.

Ol sondaı-aq búginde Qazaqstanda ınvestorlarǵa qolaıly jaǵdaı jasalǵanyn atap ótti.

«Biz óz tarapymyzdan ınvestorlardyń jumysy úshin barlyq qajetti jaǵdaıdy jasaýǵa tyrysamyz. Bizdiń josparymyzǵa sáıkes, aldaǵy bes jylda biz naryqqa birneshe iri ınvestorlardy tartyp, elimzde ónimdi tereń óńdeý boıynsha kásiporyndar ashqymyz keledi», - dep tolyqtyrdy Erbol Qarashókeev.

Sonymen birge, Erbol Qarashókeev Qatar ınvestorlary Qazaqstanda astyq óńdeý zaýytyn salýǵa nıetti ekenin málim etti.