Otandyq joǵary oqý oryndaryna táýelsiz baǵalaý júrgiziledi

<p>ASTANA. KAZINFORM &ndash; Táýelsiz baǵalaý qazaqstandyq joǵary oqý oryndarynyń básekege qabilettiligin arttyrý maqsatynda júrgiziledi. Bul týraly Premer-Mınıstrdiń orynbasary Tamara Dúısenova málim etti.&nbsp;</p>

«Otandyq joǵary oqý oryndarynyń básekege qabilettiligin kúsheıtý maqsatynda keler jyldyń 1 sáýirine deıin joǵary oqý oryndarynyń bilim sapasyn táýelsiz baǵalaý uıymdastyrylmaq. Baǵalaý krıterııleriniń negizi OESR elderiniń tájirıbesine negizdeledi. Baǵalaý nátıjesi boıynsha joǵary oqý oryndary joǵary, ortasha jáne maqsatty lıgalarǵa jikteledi», - dedi Tamara Dúısenova Úkimet otyrysynda.

Sondaı-aq, vıtse-premer bilim berý granttaryna qatysty ózgerister bolatynyn aıtty.

«Aldaǵy jyldary granttar joǵary oqý oryndarynyń kiretin lıgasyna qaraı jáne ulttyq biryńǵaı testileýde joǵary ball alǵan, biraq konkýrs aıasynda óte almaı qalǵan túlekterdi qoldaý maqsatynda saralanady. Sonymen qatar, osy ózgerister aıasynda joǵary oqý oryndaryna túsýge múmkindik beretin shekti baldar da qaıta qarastyrylady», - deıdi ol.