Qazaqstandyq skrıpkashy Aýstralııada ótken baıqaýda birinshi oryn ıelendi

<p>ASTANA. KAZINFORM &mdash; A.Jubanov atyndaǵy daryndy balalarǵa arnalǵan respýblıkalyq qazaq mamandandyrylǵan mýzyka mektep-ınternatynyń oqýshysy Saǵadat Omarǵazın 19-shy Halyqaralyq skrıpkashylar baıqaýynda jeńiske jetti. Bul týraly Mádenıet jáne aqparat mınıstrligi málimdedi.</p>

Mýzykant óziniń mektebin ǵana emes, sonymen birge búkil qazaqstandyq skrıpka mektebin halyqaralyq deńgeıde tanystyrdy. Jas ónerpazǵa QR Mádenıet jáne aqparat mınıstrliginiń qoldaý kórsetti. Іs-shara barysynda ol Lıýdvıg van Bethovenniń, Volfgang Amadeı Motsarttyń jáne basqalardyń shyǵarmalaryn oryndady. 

Saǵadat Omarǵazın baıqaý aıasynda joǵary mýzykalyq akademııalardyń ataqty maestro-professorlary: Gernot Vınıshhofer (Vena, Avstrııa), Zahar Bron (Tsıýrıh, Shveıtsarııa), Marchello Defant (Verona, Italııa), Igor Andrıevskıı (Kıev, Ýkraına) sheberlik sabaqtaryna qatysty. Óner maıtalmandary onyń daıyndyǵyn joǵary baǵalap, tálimgeri Vıktor Bardashovtyń joǵary pedagogıkalyq deńgeıin erekshe atap ótti. 

Foto: Mádenıet jáne aqparat mınıstrligi

Aıta keteıik, is-shara Sankt-Pelten qalasynda ótken Ost-West Musikfest halyqaralyq festıvali aıasynda ótti. Konkýrsqa Ońtústik Koreıa, Ýkraına, Japonııa, Qytaı, Qazaqstannan ónerpazdar qatysty.