Otandyq taý-ken ónimin zańsyz ekporttaǵany úshin kásipker ustaldy

<p>ASTANA. KAZINFORM &ndash; QR Qarjylyq monıtorıng agenttigi &laquo;Tıolaın&raquo; kompanııasy ıeleriniń biri V. Dolgalevke qatysty tergeýdi bastady. Bul týraly agenttiktiń baspasóz qyzmeti málim etti.&nbsp;</p>

2024 jyldyń 3 aqpanynda Soltústik Qazaqstan oblysynyń polıtsııa departamentiniń qyzmetkerleri «Tıolaın» kompanııasynyń ıeleriniń biri Vıktor Dolgalevti qolǵa túsirdi. 

«Sot sanktsııasymen ol qamaýǵa alyndy. Qylmystyq is odan ári tergeý úshin QMA Soltústik Qazaqstan oblysy boıynsha departamentine jiberildi» — dep habarlady agenttiktiń baspasóz qyzmeti. 

Sondaı-aq, V.Dolgalevke qatysty asa iri kólemde kiris alý arqyly zańsyz kásipkerlikpen aınalysqany úshin tergeý júrgizilýde. 

Tergeý málimetteri boıynsha, 2021 jyldyń naýryz aıynda Indýstrııa jáne ınfraqurylymdyq damý mınıstrligi kompanııanyń 38 mlrd teńgege qarjylyq jáne ınvestıtsııalyq mindettemelerin oryndamaýyna baılanysty «Obýhovskoe» ken ornynda jer qoınaýyn paıdalaný boıynsha kelisimshartty merziminen buryn toqtatqan.

Joǵarǵy Sot quziretti organnyń is-qımyldarynyń zańdylyǵyn rastady.

Sonymen qatar, 2020 jyldyń 1 maýsymynda sot sheshimimen V.Dolgalevke «Tıolaın» kompanııasynyń múlkin basqarýǵa tyıym salyndy.

«Osyǵan qaramastan, V.Dolgalev óziniń baqylaýyndaǵy qurylymdar arqyly zańsyz taý-ken óndirisin jalǵastyryp, Qytaıǵa jáne basqa elderge sur shemalar boıynsha eksporttaǵan. Tek úsh jyldyń ishinde (2021-2023 jj.) 113 myń tonnaǵa jýyq ken eksporttaldy» - delingen habarlamada. 

Tergeý jumystarynyń nátıjesine saı, qylmystyq tabystyń jalpy somasy 26 mlrd teńgeden astqan. Bul qarajatqa enshiles tulǵalar arqyly ken ornyna irgeles jatqan 7,5 myńǵa jýyq gektar aýyl sharýashylyǵy maqsatyndaǵy jerler satyp alynyp, ol jerde de zańsyz ken óndirý júrgizilgen. Sonymen qatar, 2 mlrd teńgege bıýdjetke tólenetin salyqtar men tólemderden jaltarý faktileri anyqtaldy.

Qazirgi ýaqytta jasalǵan qylmystyń barlyq mán-jaılaryn anyqtaýǵa baǵyttalǵan tergeý áreketteri júrgizilip jatyr.