Otandyq óndirýshilerdiń biryńǵaı tizilimi ázirlenedi

<p>ASTANA. KAZINFORM &ndash; Osy jyldyń sońyna deıin otandyq óndirýshilerdiń biryńǵaı tizilimi jasaqtalady. Bul týraly Úkimet otyrysynda Ónerkásip jáne qurylys mınıstri Qanat Sharlapaev aıtty.&nbsp;</p>

“Búginde otandyq óndirýshilerdiń biryńǵaı tizilimin jınaqtaý jumysy júrgizilip jatyr. Tizilimde otandyq taýar óndirýshiler týraly aqparat, onyń ishinde shyǵarylatyn ónim, kólemi, kórsetiletin qyzmet túrleri jáne qyzmetkerler sany týraly tolyq málimet qamtylatyn bolady», - dedi ol.

Mınıstrdiń sózine qaraǵanda, tizilimge engizilgen sýbektiler memlekettik qoldaý sharalaryna, sonymen qatar, memlekettik, kvazımemlekettik jáne jer qoınaýyn paıdalanýshy kompanııalardyń satyp alýlaryna qatysa alady.

«Tizilimge engizilgen óndirýshilerge lokalızatsııalaýdy arttyrý sharty qoıylady. Osy jyldyń sońyna deıin tizilimdi iske qosý jumystaryn tolyq aıaqtaý kózdelip otyr», - dedi Qanat Sharlapaev.