Otandyq mýzeılerge kelýshiler sany artty

<p>ASTANA. KAZINFORM &ndash; Elimizdegi mýzeılerdiń jalpy qory 4,3 mln-ǵa jýyq obektini quraıdy. Bul jaıynda Mádenıet jáne aqparat mınıstrliginen málim etti.</p>

«Jalpy resmı statıstıkaǵa súıensek, búginde elimizde 275 memlekettik mýzeı jumys jasaıdy, onyń 5-ýi – respýblıkalyq mýzeı, 12-si – respýblıkalyq mýzeı-qoryq, 259-y – jergilikti deńgeıdegi mýzeı. Mýzeılerdiń jalpy qory 4,3 mln-ǵa jýyq bolsa, onyń 360 myńy ulttyq mádenı ıgilik obektisi», - dep atap ótedi mınıstrlikten agenttiktiń resmı saýalyna oraı.

Vedomstvo málimetinshe, mýzeılerge kelýshiler sanyn arttyrý úshin túrli is-sharalar qabyldanyp jatyr.

«Atap aıtqanda 2023 jyly Ulttyq mýzeıde «Qolónershiler ortalyǵy» men Qazaqstandaǵy birde-bir mýzeıde kóshirmesi joq «Paleontologıı» zaly ashylýyna oraı kelýshiler sany 2022 jylmen salystyrǵanda 1,5 esege artyp, 570 043 adamdy (2022 jyly – 326 811) qurady. Júıeli júrgizilgen marketıngtik jumystardyń nátıjesinde sońǵy úsh jylda otandyq mýzeılerge kelýshiler sany 18 paıyzǵa artyp, 6 225 900 adamǵa (2021 jyly 5 104 900 myń adam) jetti», - dedi mınıstrlikten.