Otandyq kásipkerler záıtún ósirýmen aınalyspaq

<p>Mańǵystaý oblysynda tájirıbe túrinde 2 myń túp záıtún aǵashy egildi.&nbsp; Bul týraly oblys ákimi Nurlan Noǵaev elordadaǵy esep berý brıfınginde aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Bıyl atap óter bir másele – jergilikti kásipkerler Mańǵystaý oblysynda tájirıbe túrinde záıtún aǵashyn egý máselesin qolǵa alyp jatyr. Qazirgi tańd2 myń túp záıtún aǵashy egildi, sonymen birge tájirıbe túrinde Arys jáne Jarkent qalalarynda egilgen bolatyn. Osy tájirıbe oń nátıje kórseter bolsa, kásipkerler 10 myń gektarǵa deıin záıtún egip, onyń maıyn kásip etýdi josparlap otyr», - dedi N.Noǵaev Ortalyq kommýnıkatsııalar qyzmetinde.

Jalpy oblystaǵy agónerkásip kesheni 10 aıdyń qorytyndysy boıynsha, byltyrǵy eseptik kezeńmen salystyrǵanda ósim kórsetip otyr.

Bıyl jalpy quny 1 mlrd bolatyn 4 joba iske asty, 80 jańa jumys orny ashyldy. Onyń ishinde azyq-túlik saqtaıtyn qoımalar, jylyjaı kesheni, et óńdeý kombınaty jáne et ónimderin konservileý jobalary júzege asqan.

«Kelesi jylǵa biz 5 jobany josparlap otyrmyz, onyń ishinde 4 jylyjaı qurylysy bar. Sebebi bizge azyq-túliktiń 84 paıyzy syrttan keledi. Sol táýeldilikti azaıtý úshin jylyjaılar qosamyz. Sonymen birge, azyq-túlik saqtaıtyn qoımalardy salý máselesi bar. Bul jobalardyń quny – 2,2 mlrd teńge», - dedi oblys ákimi.

Aıta keteıik, Nurlan Noǵaev Astanada Mańǵystaý oblysynyń bıylǵy áleýmettik-ekonomıkalyq damýy týraly esep berip jatyr.